Bowleron Ne Achha Parafaurm Kiya Ponting

Cricket »

Bowleron Ne Achha Parafaurm Kiya Ponting

Chennai. . Indian Premier league (IPL) ke tahat khele gaye ek mukaabale mein chennai Superkings par mili jeet ke baad Mumbai Indians ke kaptaan Ricky Ponting ne apne bowleron ki saraahana ki hai. Ponting ne kaha, 'Pichhle donon mukaabalon mein khel ke antim kshan nirnaayak rahe. Hamein khushi hai ki ham yah mukaabala jeetne mein kaamayaab rahe. Keron polard aur Harbhajan Singh ke beech hui saajhedaari ne hamein ek aisa score diya, jise ham bacha sakte the. Yah maidaan anya bhaarateeya maidaanon se kaafi bada tha. Isse hamein lakshya ko bachaane mein kaafi madad mili. ' Ponting ne bowleron ki taareef karte hue kaha, 'Bowleron ne laajavaab parafaurm kiya. Paari ke madhya overon mein khaaskar spin bowleron ne shaanadaar boling ki. ' gaurtalab hai ki IPL ke paanchave league match mein shanivaar ko Mumbai Indians ne chennai Superkings ko 9 run se haraaya. Mumbai se mile 149 ke javaab mein chennai ki team 139 run hi bana saki. Isse pehle, Mumbai ko apne pehle mukaabale mein royal chaileinjar Bengaluru ke haathon do run se haar ka saamana karna pada tha, jabki chennai ka yah pehla mukaabala tha.

Bowleron Ne Achha Parafaurm Kiya Ponting https://www.angrejinews.com/pic/4754