Boston Airport Par Aajam Ka Apamaan

India »

Boston Airport Par Aajam Ka Apamaan

PTI. New York/Lucknow : Uttar pradesh ke mukhyamantri Akhilesh Yadav ke saath gaye UP ke nagar vikaas mantri aajam Khan ka Boston airport par Budhvaar ko apamaan kiya gaya. Gaurtalab hai ki aajam uttar pradesh ke mukhyamantri Akhilesh Yadav ke saath Harvard university mein Kumbh mele par vyaakhyaan dene America gaye hain. Mukhyamantri ko Harvard university mein Kumbh mele ke safal aayojan par vyaakhyaan dene ke liye aamantrit kiya gaya hai. Akhilesh yah nimantran paane vaale uttar pradesh ke pehle mukhyamantri hain. Sootron ke anusaar british Airways ki flight se utarane ke baad aajam koe poochhataachh ke liye 10 minute tak Boston logaan intaranaishanal airport par roka gaya. Jab mukhyamantri aur unki team Boston airport par utare to imigreshan aur border protekshan ke adhikaariyon ne unki agavaani ki. America mein pravesh ke liye jaroori araaival form bharne mein mukhyamantri aur unki team ki madad bhi ki gayi. Team ko entry ke liye kliyreins milne ke baad yooes custom aur border protekshan ving mein homalaind security ki ek ledi afsar aajam ko poochhataachh karne ke liye alag kamre mein le gayi. 10 minute ki poochhataachh ke baad hi aajam ko chhoda gaya. Is silsile mein aajam ki ameriki mahila adhikaari se bahas bhi hui. Washington mein ameriki dootaavaas ne is maamale par gambhir rukh apnaaya hai. Dootaavaas ke pravakta M. Shreedharan ka kehna hai ki unhonne ameriki sarkaar ke saamane bhi yah masala uthaaya hai.

Boston Airport Par Aajam Ka Apamaan https://www.angrejinews.com/pic/6917