Bopanna Sheersh Das Mein, Saaniya, Somadev Bhi Aage Badhe

Breaking »

Bopanna Sheersh Das Mein, Saaniya, Somadev Bhi Aage Badhe

Nai Delhi: France ke maarseli mein open-13 ka khitaab jeetne vaale bhaarateeya tennis star rohan bopanna ATP ki taaja yugal ranking mein sheersh das mein shaamil ho gaye hain jabki somadev ne bhi ekal mein 39 sthaan ki chhalaang lagaai hai. Saaniya mirja mahila yugal ranking mein do sthaan aage badhne mein safal rahi hain. Bopanna ne Britain ke Colin fleming ke saath milkar final mein aisaam ul hak kuraishi aur jeel juliyn Roger ki jodi ko 6-4, 7-6 se haraaya tha. Is jeet se bopanna kul 5235 rating ankon ke saath do paayadaan oopar dasvein sthaan par pahunch gaye hain. Leander pace (5425 rating ank) ab bhi yugal mein Bhaarat ke sarvaadhik ranking vaale khilaadi hain. Vah pehle ki tarah aathavein sthaan par bane hue hain lekin mahesh bhoopati (5165 ank) ek paayadaan neeche 11vein sthaan par khisak gaye hain. ATP ekal ranking mein bhaarateeya Davis cup team mein vaapasi karne vaale somadev 39 paayadaan upar 315vein sthaan par kaabij ho gaye hain. Yuki Bhambri ab bhi Bhaarat ke choti ke ekal khilaadi hain. Vah chhah paayadaan oopar chadhkar 251vein sthaan par pahunch gaye hain. Udhar WTA ranking mein saaniya ki yugal ranking mein bhi sudhaar huaa hai. America ki Bethany maatek sands ke saath milkar dubai open ka khitaab jeetne waali saaniya ko do paayadaan ka faayda huaa hai aur vah ab 14vein sthaan par pahunch gayi hain.

Bopanna Sheersh Das Mein, Saaniya, Somadev Bhi Aage Badhe https://www.angrejinews.com/pic/2819