Boodhon Jaise Na Dikhein Police Vaale Susheel Kumar Shinde

Breaking »

Boodhon Jaise Na Dikhein Police Vaale Susheel Kumar Shinde

Nai Delhi. . Kendreeya gruh mantri susheel Kumar shinde ne guruvaar ko kaha ki puliskamiryon ko hatta-katta dikhna chaahiye na ki boodhe vyakti ki tarah. Unhonne kaha ki unhein tond vaale policekarmi pasand naheen hain. Khud police mein up-nireekshak rah chuke shinde ne kaha ki kai baar ham mahasoos karte hain ki homeguard vardi pahane, bas khada hai. Gruh mantri ne kaha ki unhein vyaktigat roop se mahasoos hota hai ki ek vyakti jo vardi mein hai, use tandarust hona chaahiye. Logon ko ekdam aisa dikhna chaahiye ki jo vyakti vardi pahane hai, vah unka rakshak hai. Use 75 ya 80 saal ke boodhe vyakti jaisa naheen dikhna chaahiye. Shinde ne naagrik suraksha aur homeguard ke svarn jayanti samaaroh ke mauke par kendreeya police aur ardhasainik balon ke sheersh adhikaariyon ko sambodhit karte hue kaha, 'Mujhe lagta hai ki aap sab (police aur ardhasainik balon ke pramukh) iska dhyaan rakheinge. ' unhonne naagrikon se anurodh kiya ki ve badi sankhya mein svechha se naagrik suraksha bal mein shaamil hon kyonki abhi kaafi kam log ismein hain. Shinde ne kaha ki yah ekamaatr aisa bal hai, jise hamein bahut majaboot aur anushaasit banaana hai. Unhonne kaha ki unhein pata hai ki naagrik suraksha mein jo log shaamil ho rahe hain, ve sirf shaamil hone ke liye aisa kar rahe hain aur ve ek sainik ki tarah naheen hain. Sarkaari aankadon ke mutaabik desh bhar mein naagrik suraksha ke kaarya mein 5 lakh 35 hajaar 155 swayamsevi rajistard hain aur kendreeya gruh mantraalaya agale paanch se das saal mein inki sankhya badhaakar ise kul aabaadi ka kam se kam ek pratishat karna chaahata hai. Shinde ne kaha ki naagrik suraksha sangathan 1962 ke cheen yuddh ke baad banaaya gaya tha. Unhonne kaha ki haal hi mein hamein cheen ki ghuspaith ka ek chhota anubhav huaa. Shinde ne kaha ki aise mein unhein naagrik suraksha ka smaran hota hai. In svayansevakon ko lagaataar prashikshit kiya jaana chaahiye taaki ve desh mein kisi bhi samay maanavajanya ya praakrutik aapada ka saamana kar sakein. Unhonne police aur ardhasainik balon ke pramukhon se kaha ki hamein shaanti ke samay bhi hamesha taiyaar rahana chaahiye. Yadi aap yuddh ladana chaahate hain to shaanti ke samay bhi taiyaar rahana hoga. Sarkaar aapke saath hai aur aapko hamaare saath hona chaahiye.

Boodhon Jaise Na Dikhein Police Vaale Susheel Kumar Shinde https://www.angrejinews.com/pic/8170