Bollywood Ke Achhe Din Aaenge Jab

Movies »

Bollywood Ke Achhe Din Aaenge Jab

nai sarkaar se sabhi ko nai ummeedein hain. Bollywood vaale bhi apne achhe dinon ke intajaar mein hain. Koi chaahata hai ki industry se tax ka bojh kam ho, to koi chaahata hai ki hamein jaam se chhutakaara mile, jise set ya doosari iveints par time se pahunch paaen. Kuchh actors aur daayarektars ki yeh bhi khvaahish hai ki sainsar ki kainchi se unhein chhutakaara mile. Humne jaana bollywood silebriteej se ki aisa kya hoga, jo unke din achhe bana dega. Bataate hain aapko bhi: Chandramohan sharma/rekha Khan jab kaarein daudeingi sau kimi. Ki raftaar se pichhle kuchh arse se mujhe apni kisi na kisi film ki shooting ke liye Mumbai, Delhi se lekar south ki sadkon par ghanton traffic jaam mein gujaarne ki naubat I hai. Mumbai mein to agar kaheen aapko time par pahunchana ho, to tay vakt se ek ghante pehle nikalne ke baavajood bhi vakt par naheen pahunch paate. Har koi ham par hi time par na aane ka dosh lagaata hai, lekin kabhi yeh naheen sochata ki iveint par tay vakt par pahunch paaen, iske liye ham ghar ya hotel se kitna pehle chale hain. Ab jab nai desh ko nai sarkaar mili hai, to main chaahoonga satta mein baithi sarkaar Mumbai, Kolkata, Delhi aur south ke bade shaharon ki sadkon par lagne vaale ghanton ke traffic jaam se nijaat dilaae. Beshak kuchh log meri baat sunakar hansein, lekin agar sarkaar aisa kare, to isse sarkaar ko karodo ka faayda hona tay hai. Paitrol aur diesel ke liye ham aaj bhi doosare deshon par dipeind karte hain. Apni sadkon par lagne vaale traffic jaam se har din karodo rupaye ka paitrol-diesel vest kar rahe hain. Nai sarkaar apne ajeinde mein har major city par aisi chaudi sadke banaaen, jahaan sau kimi ki raftaar se kaarein daude. Ajay devagan, actor-producer sadak par aae aartists ko madad mile mainne is industry mein aise bahut se aise logon ko dekha hai, jo door-daraaj se yahaan film producer banane ke liye apni jameen bechakar aae aur ek-do saalon mein hi apna sab kuchh ganvaakar vaapas chale gaye. Har sarkaar ne aiese badanaseebon ki filmon se tax to vasoola, lekin jab inke paas khaane ke liye do vakt ki roti aur rahane ke liye ghar naheen bacha, tab inki madad ke liye koi saamane naheen aaya. Barso se industry mein yahi najaara dekhta aa raha hoon. Jab bhi nai sarkaar banti hai, to ummeed jagati hai ki shaayad yeh sarkaar inke liye kuchh karegi, lekin aisa kabhi ho naheen paaya. Jab mere saath saath har kisi ko achhe din aane ki aas hai, to ek baar fir yahi ummeed jagi hai ki nai sarkaar un tax peyars ke liye aisa koi package lekar aae, jinhonne poori imaandaari se tax chukaaya lekin kismat ne saath naheen diya aur bechaare sadak par aa chuke hain. Jimmi sheragil , actor - producer censor ki kainchi se mile chhutakaara samvidhaan ne har bhaaratavaasi ko apni baat doosaron ke saamane rakhane ki chhoot de hai. Afsos , har saal desh ke khajaane mein karodon ka tax jama karne waali hamaari entaratanameint industry ko iski aajaadi naheen hai aur na kisi sarkaar ne aaj tak is baare mein kabhi socha. Ab jab nai sarkaar se aas lagaae baithe hain , to ummeed karte hain ki hamein bhi yeh aajaadi di jaae. Din raat ek karke apni jama poonji se bina sarkaar se ek paise ki madad liye koi mekar film banaata hai aur censor board ki committee mein baithe chaar paanch log iski mehnat ko gatar mein daal dete hai. Kaha jaata hai ki film release hone ke baad iska samaaj par dushparinaam padega. Koi kehta hai ki kaumi ekta ko khatra hai , to koi film ko desh ki suraksha par hi khatra bataata hai. Nai sarkaar se chaahata hoon ki ab hamein isse chhutakaara dilaaya jaae. Agar censor karna hi hai , to iski privyoo committee mein industry ya filmon se judein logon ko liya jaae. Agar aisa hua , to yakeenan entertainment industry ke achhe din aaenge. Mahesh bhatt , film nirmaata ham khud la sakte hain achhe din mera maanana hai hamaare achhe din aur koi naheen , balki ham khud hi la sakte hain. Aisa koi neta ya sarkaar naheen kar sakti. Inka kaam aise manamohak naare laga kar hamein har paanch saal baad fir achhe din aane ki jhoothi aas dilaana hai. Mainne bachapan mein apne school ki ek kitaab mein padha tha ki cheen ki aabaadi hamaari aabaadi se do guna hai. Agar aaj ham apni aabaadi ki tulana cheen ke saath karein , to hamaari aabaadi cheen ke kareeb ja pahunchi hai. Unki aabaadi badhne ki raftaar teji se thami hai , to humne is beech unase kaheen jyaada raftaar pakadi hai. Agar ham sabhi soch lein ki agar aane waali peedhi ko khila - padha naheen sakte , to hamein paida karne ka hak bhi naheen. Paida kareinge , to achhe padhaaenge. Aisi socha ke saath khushiyaan aa sakti hain. Sharaman Joshi , actor bekhauf hokar nikle Damini duaa hai ki is nai sarkaar ke aane ke baad Delhi - Mumbai sahit sabhi chhote bade shaharon ki mahilaaen khud ko is kadr surakshit mahoosas karne lageinge ki unhein der raat ke baad bhi jab kisi bhi kaam se kaheen aana jaana pade , to bhaai , paapa ya hasabaind ke saath chalne ki rikvest na kare. Main jab Mumbai mein aaya tha us vakt aadhi raat ke baad bhi Mumbai ki sadkon par mujhe mahilaaen bekhauf hokar chalti dikhaai deti thi. Ab aisa najaara kam hi dikhaai deta hai. Main nai sarkaar se yaheen ummeed karta hoon jis tarah main ya doosare log der raat ko apna kaam karke bekhauf ghar lautate hain , theek usi tarah mahilaaen bhi bekhauf hokar kaheen bhi aae - jaaen. Akshay Kumar , actor - producer industry mein na ho dakhal yahi ummeed karta hoon ki industry mein achhe din aa sakte hain , jab yahaan bantavaara na ho. Hamaari industry ki unions aur asosiyeshans mein paulitikl paarteej ka dakhal na ho. Isse ek ajeeb maahaul ban jaata hai. In sabse chhutakaara milega , to achha hoga. Hansal Mehta , director aam aadmi ki pahunch badhe industry mein achhe din aa sakte hain. Jab sarkaar entertainment tax par control kare , taaki aam aadmi ki pahunch cinema tak ho. Iske alaava , meri aur bhi kai ummeedein hain jaise industry se jude laait mains aur doosare takaneeshiynon ko inshyoreins aur peinshan mile. Aaj Switzerland , Malaysia aur dubai jaise deshon ko world maip par laane ka shreya bollywood ko jaata hai. Jaahir hai ki in deshon mein hamein subsidy milti hai. Lekin Mumbai mein shooting ke liye koi infrastructure naheen hai. Bollywood Mumbai mein hai aur yahaan aap shooting naheen kar sakte. Corruption is kadr hai ki laakhon rupaye logon ko khilaane - pilaane mein nikal jaate hain. Ham filmavaalon par income tax , service tax aur vet se lekar sabhi tarah ke tax laagoo hote hain , lekin badle mein hamein kya milta hai ? Suneel Shetty , actor subsidy muhaiya karavaaen aane waali sarkaar se yahi aas hai ki vah industry ko subsidy muhaiya karavaaen , taaki jo filmein funding ki kami ke kaaran ban naheen paateen , ve poori hon. Aisi joori ka gathan kiya jaae , jo achhi script ko chunakar film meking ko badaava dein. Nai pratibhaaon ko sarkaar jyaada se jyaada mauka dilaae. Saakib saleem , actor kaam mein mile aajaadi ham filmavaalon ko aajaadi se kaam karne ka mauka mile. Hamaari ekta bani rahe. Ilekshan se pehle netaaon ne jo - jo vaade kiye hain , unhein agar ve poora karte hain to achhe din aa hi jaaenge. Vaise aane waali sarkaar ko entertainment tax ke mudde par bhi kuchh saraahaneeya karna hoga. Kuchh naheen kiya gaya , to achhe din kaise aaenge. Jareen Khan , ektres tax kam karein hamaari film industry shuroo se hi secular rahi hai. Industry mein har dharm aur jaat - paant ke log saath milkar kaam karte hain. Jab bhi koi vipda aati hai , to sab ek atal chattaan ki tarah khade hote hain. Aise mein meri ummeed yahi hai ki yahaan vah secular jajba bana rahe. Mujhe lagta hai ki ham kalaakaron ko bahut jyaada service tax dena padata hai. Vah ham aartiston ko bahut bhaari padata hai. Meri ummeed yahi hai ki aane waali sarkaar us par vichaar kare. Service tax bilkul naheen hona chaahiye. Richa chaddha , ektres nai pratibhaaon ko mauka mile main samajhta hoon ki India tailant ke maamale mein bahut ameer hai. Poore deshbhar mein pratibhaaen bhari padi hain aur yahaan isi pratibha ke bal par naun film background se aae logon ko chaans diya jaata hai , jaise mujhe diya gaya. Meri aasha yahi hai ki aane waali sarkaar India ki pratibhaaon ko mauke dilaane ka raasta banaae. Mainne yeh bhi dekha hai ki film kalaakaaron dvaara kiye gaye kauj se log bahut hi inspaayar ho jaate hain. Chhote - chhote shaharon aur kasbon mein jaakar mere dvaara diye ja rahe self defence program se log bahut prabhaavit hote hain. Vidyut jaamavaal , actor odiyans ka kharcha kam ho meri aane waali sarkaar se yahi ummeed hai ki vah filmon ko adhik se adhik pauket freindali banaaen taaki odiyans badi taadaad mein theatre mein aa sake. Yeh tabhi sambhav hai , jab entertainment tax kam hoga. Aap hi sochiye , jab 3 -4 logon ki faimili ek film ke liye jaati hai , to use 2000 rupaye jeb se dheele karne padate hain. Aise mein film dekhanevaalon par bahut bojh padata hai. Pulakit samraat , actor bujurg aartists ko sailari dein mujhe lagta hai ki aartist saari jindagi darshakon ka manoranjan karta hai. At: Use hak hai ki usaka bhavishya surakshit ho. Aane waali sarkaar se meri yahi ummeed hai ki vah old myoojishiyn sareekhe aartiston ko budhaape mein sailari de. Aisi paulisi banaae , jiske tahat bujurg aur beemaar aartiston ko aarthik help mil sake. Aartist budhaape aur il helth ke kaaran old aij mein parafaurm bhi naheen kar paate. Aise mein unki haalat bahut hi dayaneeya ho jaati hai. Antara mitra , singar.

Bollywood Ke Achhe Din Aaenge Jab https://www.angrejinews.com/pic/50778