Board Ka Team Aur Captain Par Bharosa Sahi Nikla Shreenivaasan

Cricket »

Board Ka Team Aur Captain Par Bharosa Sahi Nikla  Shreenivaasan

Nai Delhi. . Bhaarateeya cricket control board (BCCI) adhyaksh N. Shreenivaasan ne kaha ki haal mein Australia ke khilaaf chaar test maichon ki series mein 4-0 ki clean sweep ne board ke team aur captain Mahendra Singh Dhoni par bharose ko sahi saabit kiya. Shreenivaasan ne kaha, 'South Africa ke daure par team ko kadi chunauti ka saamana karna hoga. Australia ke khilaaf test series mein aitihaasik jeet ke liye bhaarateeya team ki taareef ke kaabil hai. Bhaarat ko jeetate hue dekhna shaanadaar tha. Hamein apni team par hamesha bharosa tha. Ham samajh gaye the ki kuchh mahaan cricketeron ke retire hone ke baad team badlaav ke daur se gujar rahi thi. Lekin mujhe lagta hai ki hamaara team, captain aur khilaadiyon par bharosa sahi saabit huaa. Cricket ek khel hai. Khel mein aap hamesha jeet naheen sakte. Mujhe naheen lagta ki bhaarateeya khilaadi haarna chaahate the. Ve jeetna chaahate the, unhonne kadi chunauti di. Kabhi kismat ne unka saath naheen diya, kabhi haalaat unke ulat ho gaye. Kul mila kar hamein apne cricketeron par garv karna chaahiye. 'South Africa daure par hogi kadi chunauti shreenivaasan is baat se kaafi khush the ki bhaarateeya team ne pichhli test series mein England ke haathon 1-2 ki haar ke baad vaapasi ki. Lekin unhonne kaha, ' Mahendra Singh Dhoni ki team ke saamane is saal ke ant mein south Africa ke daure par kadi chunauti hogi. England ke khilaaf mujhe laga ki shaayad ham kai baar thode badakismat rahe. Lekin team ne ekajut hokar Australia ke khilaaf shaanadaar pradarshan kiya. Lekin hamein saal ke ant aur agale saal ke shuroo mein south Africa aur New Zealand ke khilaaf test match khelne hain. Yah sab team banaane ka hissa hota hai aur khilaadiyon ka jajba bhi saamane aata hai. Veeroo aur gambhir par tippani se inkaar BCCI pramukh ne haalaanki chayanakartaaon dvaara Virendra Sehwag aur Gautam gambhir ki salaami jodi ke dheele pradarshan ke kaaran Australia ke khilaaf test series se baahar karne ke faisale par tippani karne se inkaar kar diya. Unhonne kaha, 'Main chayan maamalon par tippani naheen karta. Lekin mujhe lagta hai ki silektars bahut gambheerta se kaam kar rahe hain aur ve bhaarateeya cricket ke vartamaan aur bhavishya ke liye apna best kar rahe hain. Vijay, dhavan aur pujaara ke pradarshan se khush hona chaahiye shreenivaasan ne Sehwag aur gambhir ko team India se baahar kiye jaane ko seedhe taur par sahi faisala karaar diye bina murali vijay, cheteshvar pujaara aur shikhar dhavan ke pradarshan ki taareef ki. Unhonne kaha, 'Hamein shikhar dhavan, pujaara aur vijay ke pradarshan ke baare mein khush hona chaahiye. Team alag dikh rahi hai aur aatmavishvaas se bhari hai. Baulars ne bhi achha pradarshan kiya hai. ' jab unase poochha gaya ki kya Sehwag aur gambhir jaise khilaadiyon ke liye vaapasi karna mushkil hoga to shreenivaasan ne kaha, 'Yah javaab dena chayanakartaaon ka kaam hai. Main sirf yahi kah sakta hoon ki team achhi dikhti hai. 'Dhoni rahe hain shaanadaar khilaadi shreenivaasan ne bhaarateeya kaptaan Dhoni ki kaafi taareef ki jo unki IPL team chennai super kings ke bhi captain hain. Unhonne kaha, 'Dhoni hamesha achhi bhoomika nibhaate hain. Vah hamesha shaanadaar khilaadi rahe hain. Hamein yah naheen bhoolana chaahiye ki Dhoni ne do world cup jeet mein bhaarateeya team ki aguvaai ki hai. Vah anubhavi captain hai. Mujhe lagta hai ki unhonne utaar-chadhaav ke daur mein achha pradarshan kiya hai.

Board Ka Team Aur Captain Par Bharosa Sahi Nikla Shreenivaasan https://www.angrejinews.com/pic/3179