Black Mani Ke Liye Jyaada Intajaar Naheen Karna Padega Jetali

Business » Friday, July 25, 2014

Nai Delhi vitt mantri arun jetali ne kaha ki NDA sarkaar videshon mein jama kaale dhan ko vaapas laane ke liye krutasankalp hai aur iske liye jyaada intajaar naheen karna padega. Unhonne kaha ki ham kaalaadhan ke baare mein videshon se praapt sabhi soochanaaen Supreme court ko de rahe hain. Gaurtalab hai ki guruvaar ko vitt vidheyak par charcha ke dauraan Loksabha mein Jharkhand ke godda ke saansad nishikaant dube ne arun jetali ki maujoodagi mein kah diya tha ki meri jindagi mein to sarkaar Switzerland se kaalaadhan vaapas naheen la sakti. Chunaavi abhiyaan mein kaaledhan ki vaapasi ko mudda banaane waali BJP ke liye isse ajeebogareeb sthiti paida ho gayi thi. Haalaanki, baad mein unhonne kaha tha ki yeh unka vyaktigat bayaan hai. Loksabha mein vitt vidheyak par charcha ka javaab dete hue jetali ne nishikaant dube ke bayaan par chutaki li aur bole, 'Kal nishikaant dube bole, achha bole, par kah gaye ki mere jeevan mein kaalaadhan vaapas naheen aane vaala hai. ' unhonne kaha, 'Main unki lambi aayu ki kaamna karta hoon aur unhein bharosa dilaata hoon ki unhein bahut lambe samay tak intajaar karne ki jaroorat naheen karni padegi. ' vitt mantri ne kaha ki kaalaadhan ke panaahagaahon par duniya ke kai deshon ki or se jabardast dabaav ban raha hai aur unhonne ab jaankaari upalabdh karaana shuroo kar diya hai. Unhonne kaha ki France aur Germany se jin logon ke naam adhikaariyon ko mile hain Switzerland unke baare mein byora saajha karne se inkaar kar raha hai. Switzerland ka kehna hai ki bankon ke poorv karmachaariyon ne gair-kaanooni tareeke se ye naam leek kiye hain aur gair-kaanooni tareeke se haasil soochana par vistrut jaankaari naheen dega. Jetali ne apne bhaashan mein yeh bhi kaha ki desh ko aarthik narami se nipatne ki jaroorat hai, keval byaaj darein badhaakar mudraasfeeti par lagaam naheen lagaai ja sakti. Unhonne raksha aur beema jaise kshetron FDI seema badhaane ke sarkaar ke faisale ko jaayaj thaharaaya. Vitt mantri ne kaha ki vikaas ki gati badhaane ke liye badi maatra mein sansaadhan ki jaroorat hai aur isse naukriyaan badhne ke saath hi gareebi unmoolan hoga. Unhonne kaha, 'Jab desh bheetar se nivesh aparyaapt hota hai, tab FDI sansaadhan badhaane ka ek jariya hai. Yeh jaroori hai ki hamaare paas paryaapt sansaadhan ho, isse aarthik gatividhi, naukriyaan badheingi. Aarthik gatividhi ke liye munaafe ki jaroorat hai. ' jetali ne kaha ki ham niveshakon ke bharose ko bahaal karna chaahate hain, jo dagamaga gaya tha.