Bijli Rate Badhaane Ke Khilaaf Sadkon Par Utare

India » Tuesday, April 2, 2013

enabeeti news . Hisaar Haryana mein bijli ki darein 13 pratishat badhaae jaane ke khilaaf Indian naishanal lokadal ke kaaryakarta somvaar ko sadkon par utare aur pradarshan kiya. Is badhotri se gussaae aaienaeladi kaaryakarta dakshin Haryana bijli vitran nigam ke mukhyaalaya pahunche aur naarebaaji ki. In kaaryakartaaon ne yahaan par CM bhoopeindr Singh ka putala foonka. Party ke Rajyasabha saansad Ranbeer gangava ne aarop lagaaya ki bijli daron mein itni badi badhotri bhrashtaachaar, kuprandhan aur sarkaar ki naalaayaki ka pramaan hai. Tharmal plant lagaane mein yadi bhrashtaachaar ka bolabaala naheen raha hota to aaj Haryana ki janta bijli ke liye taras kar na rah rahi hoti. Unhonne kaha ki unki party maang karti hai ki badhaai gayi bijli darein turant vaapis li jaae, anyatha sarkaar parinaam bhugatne ke liye taiyaar rahe. Ranbeer gangava ne kaha ki bajat adhiveshan ko samaapt hue mahaj 20 din hue hain aur mukhyamantri har roj nae-nae tax thopakar pradesh ke logon ki jeb kaatne mein lage hue hain. Unhonne kaha ki ek jhatke mein bijli ki keematon mein 28 paise se 75 paise tak prati unit badhotri karke hudda sarkaar ne bada janavirodhi kadam uthaaya hai. Iska badla raajya ke matadaata agale chunaav mein kaangeras ko sabak sikhaakar leinge.