Bijli Bhi Maaregi 'Karant

India »

Bijli Bhi Maaregi 'Karant

Joseph barnaad nai Delhi . . Petrolium praudekt ki tarah bijli ki keemat bhi aane vaale vakt mein samay-samay par badheingi. Daraasal, sarkaar bijli ki daron ko poori tarah se market se jodne ki yojana par kaam kar rahi hai. Is faurmyoole ke tahat, badhotri ka paimaana hoga- bijli board ka punargathan, bijli utpaadan ki laagat aur vitran keemat. Sarkaar iske liye paisa, apni jeb se naheen balki market se nikaalegi. Sarkaar ne sabhi raajyon, raajya bijli board aur companiyon se kah diya hai ki bijli sector mein sudhaar prakriya mein jitni deri hogi, utana hi nuksaan raajyon ke logon ko uthaana padega, kyonki bhaar graahakon par hi padega. PM ke aarthik salaahakaar parishad aur yojana aayog milkar power sector mein sudhaar ke model ko apna rahe hain. Sootron ke mutaabik, kendra sarkaar agar bijli board ke punargathan ke liye kisi prakaar bhi sahaayata deti bhi hai, to use subsidy naheen balki seedhe taur par vitteeya sahaayata ka naam diya jaaega. Iski vasooli baad mein bijli board se hi ki jaaegi. Laagat ka aakalan karne ke liye committee bijli utpaadan aur vitran laagat ka aakalan karne ke liye committee banaai jaaegi. Ghaate ki bharpaai dekhte hue committee tay karegi ki bijli ki darein kitni badhaai jaaen. Sootron ka kehna hai ki bijli sector mein rifaurm ke raaste mein ab raajaneeti ko aade naheen aane diya jaaega. Agar koi raajya bijli board sahi tareeke se kaam naheen kar raha hai ya punargathan ki prakriya ko aage naheen badha raha to vahaan par vitteeya sahaayata kam ki jaaegi. Laagat moolya ko nikaalne ke liye bijli companiyon ko darein badhaane ki poori chhoot di jaaegi.

Bijli Bhi Maaregi 'Karant https://www.angrejinews.com/pic/5257