Bihar Mein Baaroodi Surang Visfot, Chhah Policekarmi Sahit Aath Mare

Breaking »

Bihar Mein Baaroodi Surang Visfot, Chhah Policekarmi Sahit Aath Mare

Gaya: Bihar ke naksal prabhaavit gaya jile ke roshanaganj thaana kshetr mein shukravaar ko dopahar mein naksaliyon ne baaroodi surang visfot kar diya. Is visfot ki chapet mein ek police jeep ke aa jaane se chhah policekarmi sahit aath logon ki maut ho gayi. Ghatna ke jimmedaar naksaliyon ke khilaaf lagaataar chhaapemaari abhiyaan chalaaya ja raha hai. Gaya ke police adheekshak (nagar) Akhtar husain ne bataaya ki sthaaneeya baal vikaas pariyojana padaadhikaari ke anurodh par baanke baajaar prakhand ke baaraasot gaanv mein aanganabaadi kaaryakartaaon ke chayan kaaryakram mein suraksha upalabdh karaakar ek police jeep se chhah policekarmi aur do graameen laut rahe the. Isi dauraan uchala gaanv ke sameep naksaliyon dvaara kiye gaye baaroodi surang visfot ki chapet mein police jeep aa gayi. Visfot itna bhayaanak tha ki jeep ke parakhachche ud gaye. Unhonne bataaya ki is visfot mein jeep par savaar sahaayak avar nireekshak (eesaaai) pradumn rai sahit chhah policekarmiyon aur baaraasot nivaasi ramesh mistri evam sirsa gaanv nivaasi pavan Kumar ki maut ho gayi. Sootron ke mutaabik ghatnaasthal se naksali policekarmiyon ke kuchh hathiyaar bhi apne saath le gaye hain jabki do hathiyaar kshatigrast ho gaye hain, jise police ne baraamad kiya hai. Magadh prakshetr ke police up mahaanireekshak (deeaaiji) en ech Khan ne bataaya ki kshetr mein naksaliyon ke khilaaf abhiyaan chalaaya ja raha hai, jismein kendreeya reserve police bal (CRPF) ke javaanon ko bhi lagaaya gaya hai. Ghatnaasthal Bihar aur Jharkhand ki seema par bataaya ja raha hai.

Bihar Mein Baaroodi Surang Visfot, Chhah Policekarmi Sahit Aath Mare https://www.angrejinews.com/pic/2561