Bihar Mein Aag Mein Jhulasakar 4 Bachchiyon Ki Maut

India »

Bihar Mein Aag Mein Jhulasakar 4 Bachchiyon Ki Maut

Saasaaraam. . Bihar ke rohataas jile ke dehari thaana kshetr mein rasoi gas cylinder se lagi aag ki chapet mein aain 4 bachchiyon ki maut ilaaj ke dauraan ho gayi. Sabhi mrutakon ki umr 10 varsh se kam hai. Dehari ke thaana prabhaari sidgheshvar rajak ne somvaar ko bataaya ki ravivaar ko new area muhalle mein santosh Kumar ke ghar mein ek rasoi gas cylinder mein leek hone ke kaaran use saamane ki gali mein rakh diya gaya. Gas risaav ke kaaran gali mein bijli ke khanbhe mein lage taar se nikli chingaari se gas cylinder mein aag lag gayi. Is dauraan gali mein khel rahe aur khade kareeb 25 log is aag ki chapet mein aa gaye. Is haadase mein gambhir roop se ghaayal 18 logon ko ilaaj ke liye banaaras bheja gaya, jahaan chaar bachchiyon ki maut ilaaj ke dauraan ho gayi. Mrutakon ki pehchaan vinod saah ki putri sunaina aur suneeta tatha santosh saah ki 2 putriyon ke roop mein hui hai. Unhonne bataaya ki kuchh ghaayalon ka ilaaj dehari ke sthaaneeya aspataalon mein kiya ja raha hai. Police poore maamale ki chhaanabeen kar rahi hai

Bihar Mein Aag Mein Jhulasakar 4 Bachchiyon Ki Maut https://www.angrejinews.com/pic/3292