Bihar Bachchon Ki Maut Ke Khilaaf Pradarshan Karne Par 39 Logon Ke Khilaaf FIR

Breaking »

Bihar Bachchon Ki Maut Ke Khilaaf Pradarshan Karne Par 39 Logon Ke Khilaaf FIR

Vaishaali Akyoot insefalaaitis sindrom (AES) ke kaaran Bihar mein bachchon ki maut ka silsila jaari hai. Aspataalon mein suvidhaaon ki kami hai aur raajya sarkaar ke star par filhaal jo prayaas hue bhi hain, ve naakaafi hain. In sabke beech netaaon ke bayaanon ne bhi peediton ka dard aur badhaaya hai aur ab jila prashaasan ne ek aisa kadam uthaaya hai, jis par chautarafa savaal uth rahe hain. Jila prashaasan ne bachchon ki maut aur jal aapoorti ko lekar pradarshan kar rahe 39 logon ke khilaaf FIR darj ki hai. Padhein: 150 se adhik mauton ke baad jaagi sarkaar, ab ye kadam Daraasal, eies ke kaaran bachchon ki maut aur jal aapoorti mein kami ko lekar vaishaali jile ke harivanshapur mein log sadak par utar aae the. Logon ne iske khilaaf virodh pradarshan kiya aur jal aapoorti behtar karne aur beemaari ke khilaaf jald thos kadam uthaane ki maang ki. Jila prashaasan ne inki maangein to naheen maaneen, magar pradarshan kar rahe 39 logon ke khilaaf FIR jaroor darj kara di. Bihar: Relatives of persons against whom FIR has been registered say ,"Our children have died. We did road gherao,… https: //t. Co/a4VufaHk3F— ANI (@ANI) 1561456201000 'Bachche mar rahe, paani hai naheen. . . Virodh na karein to kya karein' Vaishaali jile mein jin logon ke khilaaf FIR ki gayi hai, unke rishtedaaron ne do took kaha ki jab hamaare bachche mar rahe hain aur hamaare paas peene ka paani tak naheen hai to ham virodh kyon na karein? Kuchh rishtedaaron ne kaha, 'Hamaare bachche mar rahe hain. Paani naheen hai. Humne iske khilaaf road gheraav kiya to prashaasan ne ham par case darj kar diya. Case darj hone ke baad hamaare parivaaron ke purush gaanv chhodkar bhaag gaye hain. Ghar mein kamaane vaale vahi the aur ab unke naheen hone se hamein aur dikkaton ka saamana karna padega. ' Ab tak 152 maasoomon ki maut Bata dein ki eies ke chalte Bihar mein ab tak 152 maasoomon ki maut ho chuki hai. Sirf mujaffarapur mein 131 bachchon ki maut ho gayi hai, jismein se 111 bachche shri Krishna medical college aur aspataal mein kaal ke gaal mein sama gaye hain. Vaheen Kejriwal aspataal mein 20 bachchon ki maut ho gayi hai. Inseflaaitis ke chalte mauton ke peechhe mukhya vajah kuposhan aur gareebi bhi bataai ja rahi hai. Iske liye Bihar ke aanganabaadi keindron ki laaparavaahi bhi savaalon ke ghere mein rahi hai. Ab kuposhan se ladne ke liye sarkaar ne kasi kamar 152 mauton ke baad jaage Bihar raajya saamaajik kalyaan vibhaag ne inteegreted child divelapameint service (aaiseedeees) skeem ko adhik bal dene ka faisala kiya hai. Aaiseedeees skeem duniya ka sabse bada kamyooniti besd program hai, jo 6 saal tak ki umr ke bachchon ke saath garbhavati aur stanapaan karaane waali mahilaaon ke liye hai. Is skeem ka lakshya samudaaya ke svaasthya, poshan aur shiksha ke star ko sudhaarana hai. Ye sevaaen kamyuniti besd aanganabaadi kendra dvaara di jaati hain.

Bihar Bachchon Ki Maut Ke Khilaaf Pradarshan Karne Par 39 Logon Ke Khilaaf FIR https://www.angrejinews.com/pic/283013