Bigdi Kaanoon Vyavastha Ke Savaal Par Beparavaah Akhilesh Ne Ulte Patrakaaron Se Poochha, Aap To Surakshit Hain

Breaking »

Bigdi Kaanoon Vyavastha Ke Savaal Par Beparavaah Akhilesh Ne Ulte Patrakaaron Se Poochha, Aap To Surakshit Hain

Lucknow: uttar pradesh mein is ek hafte mein mahilaaon par hamle ke teen behad hi vibhts maamale saamane aae hain. Ye ghatnaaen raajya mein sattaadhaari Yadav parivaar ka gadh maane jaane mein ilaake mein hui hain. aise mein mukhyamantri Akhilesh Yadav se jab patrakaaron ne raajya ki bigdi kaanoon vyavastha par savaal poochha to unhonne behad hi betuka sa javaab diya. Akhilesh se ulta patrakaaron se poochha ki aap to surakshit hain na? Aap surakshit mahasoos karte hain? Patrakaar ne jab iska javaab haan mein diya, to unhonne kaha ki isi tarah poora pradesh surakshit hai aur kaanoon vyavastha bahut behtar dhang se kaam kar rahi hai. unhonne muskaraate hue kaha ki pradesh ki kaanoon vyavastha mein sudhaar hai. Badaayoon kaand mein giraftaari ho gayi hai aur doshi policekarmiyon ke khilaaf bhi kathor kaarravaai ki ja rahi hai. gaurtalab hai ki raajya ke badaayoon jile ke ek gaanv mein do naabaalig ladkiyon ke saath hue saamoohik balaatkaar aur hatya ke behad hi vibhts maamale se poora desh hi sharmasaar hai. 14 aur 15 saal ki ye donon ladkiyaan Budhvaar ki subah ek bageeche mein ped se lataki pai gayi thi. Inke parivaar ka kehna hai ki unhonne saari raat apni bachchiyon ko apahartaaon ke chungal se chhudaane ki koshish mein jute rahe, lekin sthaani police ne unki koi madad naheen ki. peediton mein shaamil ek ladki ke pita ke NDTV se kaha ki unhein raajya sarkaar se insaaf milne ki ummeed naheen hai, kyonki maamale ke aaropi usi jaati se aate hain, jisse raajya mukhyamantri Akhilesh Yadav aur sapa pramukh mulaayam Singh hain.

Bigdi Kaanoon Vyavastha Ke Savaal Par Beparavaah Akhilesh Ne Ulte Patrakaaron Se Poochha, Aap To Surakshit Hain https://www.angrejinews.com/pic/52254