Bi Tech Student Se 2 Lakh Ka Jaali Not Baraamad

India »

Bi Tech Student Se 2 Lakh Ka Jaali Not Baraamad

enabeeti news. Kurukshetr police ne ek yuvak ko nakali not dekar thagane ke aarop mein giraftaar kiya hai. Do yuvakon ne shukravaar ko karanaal ke ek joolar ko nakali not thamaakar thagane ka prayaas kiya tha. Pakada gaya yuvak kurukshetr mein bi. Tech ka student hai. Uske paas se 2 lakh rupaye ke jaali not mile hain. SP shashaank aanand ke mutaabik, shukravaar shaam ko sarraafa baajaar mein shyaam jvailars ki dukaan par baaik se do yuvak aae. Donon yuvakon ne joolar ke yahaan gahane banaane ka kaam karne vaale sanni Mehta ko ek hajaar ke 30 not yah kehkar diye ki unhein svarn bhasm banaane ke liye shuddh sone ki jaroorat hai. Jaise hi sanni ne in noton ko check kiya to ye nakali nikle. Usane in donon yuvakon ko bataaya ki ye not nakali hain. Yah sunate hi donon yuvak use dhakka dekar baaik se bhaag nikle. Sanni Mehta ki shikaayat par thaana shahar karanaal mein vibhinn dhaaraaon ke tahat mukadama darj kiya gaya. Is maamale ki jaanch CIA van ko di gayi. CIA van ke inchaarj Virendra Singh ne ravivaar ko gupt soochana ke aadhaar par do yuvakon mein se ek aaropi raaje ko dhar dabocha. Aaropi raaje shaantingar karanaal ka nivaasi hai. Poochhataachh mein raaje ne bataaya ki vah kareeb do maheene pehle 4 lakh 30 hajaar ke jaali not lekar aaya tha. Police ne turant chhaapaamaarakar uske ghar se alamaari mein rakha 2 lakh ka jaali not baraamad kar liya. Inmein 50 not 1 hajaar ke aur 300 not 500 rupaye ke hain. Somvaar ko use police remand ke liye adaalat mein pesh kiya jaaega. Uske saathi ki giraftaari ke liye chhaapaamaari ki ja rahi hai.

Bi Tech Student Se 2 Lakh Ka Jaali Not Baraamad https://www.angrejinews.com/pic/4808