Bhullar Ko Maafi Dene Ki Baadal Ne Ki Raashtrapati Se Appeal

Breaking » Thursday, April 18, 2013

nai Delhi. . Punjab ke mukhyamantri prakaash Singh baadal ki aguvaai mein shiromani akaali dal ke saansadon ne guruvaar ko yahaan raashtrapati pranav mukharji se guhaar lagaai ki 1993 mein hue Delhi visfot ke maamale mein faansi ki saja ka saamana kar rahe devindr paal Singh bhullar ko maafi diya jaae. Raashtrapati pranav mukharji ne bhullar ki daya yaachika ko asveekaar kar diya hai. Raashtrapati se mulaakaat ke baad baadal ne kaha akaali dal ke pratinidhimandal ne mukharji se bheint karke aagrah kiya ki 'Punjab aur shesh Bhaarat mein badi mehnat se banaae gaye saampradaayik sauhaard ki khaatir' bhullar ko kshamaadaan diya jaae. Akaali dal ka maanana hai ki bhullar ka maamala 'Rearest of rear' naheen hai, isliye use maut ki saja naheen di jaae. Baadal ne kaha, 'Iske alaava anya takaneeki bindu bhi hain. Yah kaanoon hai ki agar koi bahut adhik beemaar ho to use faansi naheen di jaani chaahiye. Pichhle dhaai saal se vah bahut jyaada beemaar hai. ' raashtrapati ko pratinidhimandal ki or se saunpe gaye gyaapan mein kaha gaya ki bhullar maanasik roop se bhi poori tarah svasth naheen hai. Bhullar pichhle 17 saal se jail mein hai. Ismein yah bhi kaha gaya, choonki bhullar ke baare mein adaalat ki bench ka faisala bhi alag- alag yaani vibhaajit hai isliye parampara ke anusaar use faansi naheen di jaani chaahiye. Baadal ne kaha, 'Hamaara mukhya uddeshya saampradaayik sauhaard hai. ' bhullar ko maafi dene ki appeal ke sandarbh mein akaali dal ke is pratinidhimandal ne gruh mantri susheel Kumar shinde se bhi mulaakaat ki.