Bhullar Ki Patni Pahunchi Supreme Court, Maut Ki Saja Ke Amal Par Rok Ki Maang

Breaking »

Bhullar Ki Patni Pahunchi Supreme Court, Maut Ki Saja Ke Amal Par Rok Ki Maang

Nai Delhi. . Delhi mein 1993 mein hue ek bam blaast ke maamale mein maut ki saja ka saamana kar rahe devindar paal Singh bhullar ki patni navanati Kaur ne mangalvaar ko Supreme court mein yaachika daayar kar apne pati ki maut ki saja ko sthagit kiye jaane ka aagrah kiya hai. Navaneet ne yaachika mein kaha hai ki jab tak Supreme court ke faisale ke khilaaf sameeksha yaachika par faisala naheen ho jaata, tab tak unke pati ki maut saja ko sthagit kiya jaae. Iske pehle Supreme court ne devindar Singh bhullar ki yaachika ko khaarij kar diya tha. Bhullar ki patni ne Supreme court mein appeal ki thi ki vah faansi ki saja ko umrakaid mein tabdeel kar day, lekin Supreme court ne is yaachika ko khaarij kar diya aur 5 judgeon ke faisale ko barkaraar rakha. Daya yaachika mein deri se sunavaai ko lekar yah yaachika daakhil ki gayi thi. Gaurtalab hai ki September 1993 mein Delhi mein hue ek bam blaast ke maamale mein khaalistaan liberation fors ke aatanki bhullar ko doshi thaharaaya gaya tha aur use maut ki saja sunaai gayi thi. Is visfot mein 9 log maare gaye the aur yuvak Congress ke adhyaksh M. S. Bitta samet 25 anya log ghaayal ho gaye the.

Bhullar Ki Patni Pahunchi Supreme Court, Maut Ki Saja Ke Amal Par Rok Ki Maang https://www.angrejinews.com/pic/7952