Bhrashtaachaariyon Ki Sanrakshak Hai Kendra Sarkaar Rajnath

Breaking »

Bhrashtaachaariyon Ki Sanrakshak Hai Kendra Sarkaar  Rajnath

bhaasha . Bulandashahar BJP ke raashtreeya adhyaksh Rajnath Singh ne desh mein badhti hui mahangaai ke liye kendra sarkaar ko jimmedaar thaharaate hue kadi aalochna ki hai. Unhonne kaha ki mahangaai ko rokane mein kendra ki Congress sarkaar vifal rahi hai. Saath hi unhonne kendra ki sarkaar par bhrashtaachaariyon aur ghotaalebaajon ko sanrakshan dene ka bhi aarop lagaaya. Rajnath Singh ne ravivaar ko UP ke khurja mein ek aspataal ki aadhaarashila rakhane ke baad ek janasabha ko sambodhit kiya. Is dauraan unhonne kanedr par nishaana saadhate hue kaha ki Pakistan jaisa chhota desh hamaare 2 sainikon ka sir kalam karke le gaya aur hamaari sarkaar aankhein moonde baithi rahi. Unhonne kaha ki ekataraf cheen hamaari seemaaon par ghuspaith karne ki koshish kar raha hai, doosari or hamaare videsh mantri cheen jaane ka kaaryakram bana rahe hain. Unhonne kaha ki in haalaaton ko lekar NDA ke ek pratinidhimandal ne Bhaarat ke raashtrapati se mulaakaat ki aur videsh mantri ki cheen yaatra par virodh kiya tha. Unhonne kaha ki cheen jab tak apne sainikon ko vaapas naheen bulaata hai tab tak videsh mantri ko cheen yaatra par naheen jaana chaahiye. Singh ne kaha ki bhrashtaachaar ke maamale mein rel mantri ke rishtedaar ki CBI dvaara giraftaari ke baad rel mantri ko naitikta ke aadhaar par isteefa day dena chaahiye.

Bhrashtaachaariyon Ki Sanrakshak Hai Kendra Sarkaar Rajnath https://www.angrejinews.com/pic/7781