Bhrasht Sarkaaron Ko Satta Se Bedakhal Karo Anna

India » Wednesday, April 17, 2013

ek samvaadadaata . Sahaaranapur varishth samaajasevi anna hajaare ki aguvaai mein jantantra yaatra ka bihaareegadh pahunchane par logon ne bhavya svaagat kiya. Yahaan aayojit sabha ko sambodhit karte hue anna hajaare ne kaha ki ek chhota sa prayaas kiya to 400 bhrasht afsaron ko ghar ka raasta dikha diya. Aap sabhi saath deinge to karapt sarkaaron ko satta se bedakhal kar deinge. Samaajasevi anna hajaare ke netrutv mein jantantra yaatra rudki se deharaadoon jaate hue tay program ke mutaabik buggaavaala chauk sthit kasbe mein pahunchi to hajaaron samarthak Bhaarat maata ki jaya aur vande maataram ke naare lagaane lage. Anna hajaare ne upasthit samarthakon ka mobile vaahan par chadhkar abhivaadan sveekaar kiya. Unhonne is avsar par kaha ki desh ko abhi sahi dhang se aajaadi naheen mili hai. Hamein shreshth Bhaarat ka nirmaan karna hai. Janta mein badi shakti hai. Abhi intajaar karo, aane vaale Loksabha chunaav mein gunde, maafiya, chor lutere aur bhrasht netaaon ko kabhi mat jeetne do. Unhein apne vote ki taakat ka ehsaas karaao. Hamein shaheed bhagat Singh, sukhadev aur raajaguru ke sapanon jaisa Bhaarat banaana hai. Anna ne kaha ki main chaalees saal se ghar naheen gaya, mandir mein ek thaali va ek bistar se kaam chala raha hoon. Mera apna koi parivaar naheen hai, mujhe apne bhaai bhateejon ka pata naheen hai. Mera parivaar poora Bhaarat aur yahaan rah rahe mere pyaare naagrik yah janta hai. Achhe logon ko sansad mein janta chunakar bhejegi to shreshth Bhaarat ka nirmaan hoga. Is mauke par general vi. Ke. Singh ne kaha ki kaun chaahata hai ki mahangaai badhe aur corruption khatm na ho. Ham sab milkar jab achhe va imaanadaar logon ko raajaneeti ke liye chuneinge to Bhaarat aage badhega, hamein tarakki milegi. Hamaare bachche achhi shiksha praapt kare iske liye hamein sochana padega. Aap log iraada badalo ki jaati dharm ke naam par jo log raajaneeti karte hain, unhein satta ki baagdor naheen saunpeinge.