Bhrasht Adhikaariyon Par Tay Vakt Mein Hogi Kaarravaai

India »

Bhrasht Adhikaariyon Par Tay Vakt Mein Hogi Kaarravaai

vishesh samvaadadaata . Nai Delhi aanevaale dinon mein sirf rishvat lena hi naheen balki dena bhi aparaadh maana jaaega. Budhvaar ko pradhaanamantri ki adhyakshata mein hui cabinet meeting ne is baabat corruption nirodhi sanshodhan bill ko hari jhandi day di. Is bill mein ek or jahaan corruption ki paribhaasha ko vyaapak banaaya gaya hai vaheen ismein bhrasht adhikaariyon ke khilaaf tay vakt ke bheetar kaarravaai sambandhi ijaajat lene ki bhi baat kahi gayi hai. Bill mein corruption ki paribhaasha ko antararaashtreeya prachalan ke mutaabik rakha gaya hai. Is bill ke mutaabik, agar koi bhrasht adhikaari gairkaanooni dhang se prauparti banaata hai to usaki gairkaanooni sampatti ko jabt kar liya ja jaaega. Bill ke daayare mein sirf naukareepesha adhikaariyon ko hi naheen balki retired adhikaariyon ko bhi shaamil kiya gaya hai. Vitt mantri pi. Chidambaram ne kaha ki kisi adhikaari par mukadama chalaane se pehle uske uchchaadhikaari se ijaajat lene ke liye bhi ek nishchit samayaseema tay ki gayi hai. Agar uchchaadhikaari mukadama chalaane ki anumati dene se inkaar karta hai to use iska saaf kaaran bataana hoga. Iske liye anumati ke maanadand, niyam aur samayaseema bill mein saaf taur par paribhaashit kiye gaye hain. Gaurtalab hai ki abhi tak retired adhikaariyon ke maamale mein pehle se ijaajat leni jaroori naheen hai. Iske alaava mukadama chalaane waali agency ko retired naukarashaah ke maamale mein uske dvaara kiye gaye aise kisi kaam ke liye mukadama chalaane se pehle ijaajat leni hogi, jo ho sakta hai pad par rahate hue usane achhe iraade se kiya ho. Kaarmik mantraalaya ne mukadame ki manjoori ya naamanjoori ki samayaseema tay karne sambandhi prastaav pichhle saal kaanoon mantraalaya ko bheja tha. Is par attorney general ne rai di thi ki mantri sahit kisi bhi adhikaari ya naukarashaah par mukadama chalaane ki ijaajat ke aavedan par tabhi vichaar kiya ja sakta hai, jab police mane shikaayat darj karaai gayi ho. Itna hi naheen, mukadame ki ijaajat usi maamale mein di ja sakti hai, jab us shikaayat par court ne sanjnyaaan liya ho.

Bhrasht Adhikaariyon Par Tay Vakt Mein Hogi Kaarravaai https://www.angrejinews.com/pic/7387