Bhoopati Aur Lodra Ki Jodi Final Mein

Sports » Tuesday, March 26, 2013

PTI . Dubai Bhaarat ke mahesh bhoopati aur frauns ke Michael lodra ki jodi ne Bhaarat ke rohan bopanna aur Rajiv Ram ki jodi ko shukravaar ko yahaan kade sangharsh ke baad hara kar dubai tennis championship ke purush dabals final mein jagah bana li. Mahesh bhoopati aur Rajiv Ram ki jodi is season ke pehle final mein pahunchi hai. Gair vareeyata praapt mahesh bhoopati aur lodra ki jodi ne bopanna aur America ke Rajiv Ram ki jodi ko semifinal mein 6-4, 6-7 , 10-5 se haraaya . Bhoopati aur lodra ki jodi ne ek ghante aur 28 minute ke baad match jeet kar final mein jagah banaai. Bhoopati aur lodra ki jodi final mein teesari vareeyata praapt Robert lindasted aur nenaad jimonajich ki jodi se bhidegi. . Lindasted aur jimonajich ki jodi ne mikhaail yojani aur jaunaathan elarich ki jodi ko semifinal mein 7-6, 7-3 se ek ghanta aur 47 minute ke sangharsh ke baad haraaya. Bhaarat ke bhoopati aur lodra ki jodi ek samay aasaani se semifinal mein jeet ki or badhti lag rahi. Bopanna aur Ram ne aakhiri tak gajab ka jeevat dikha kar semifinal ko super tie-breaker tak kheench diya. Bhoopati aur lodra ki jodi ne sankat ki ghadi mein dhairya barkaraar rakhate hue yah super tie-breaker jeet kar final mein jagah bana li. Bhoopati aur lodra ki jodi ka is season ka ab tak ka yah best pradarshan hai. Bhoopati aur lodra ki jodi chennai open aur Sydney open ke kvaurtar final mein pahunchi thi. Bhoopati dabals mein apne niyamit jodeedaar dainiyl nestar ke saath milkar Australiaee open ke pre kvaurtar final se aage naheen badh paae the