Bhoomi Adhigrahan Bill Par Baithak Benateeja

Breaking »

Bhoomi Adhigrahan Bill Par Baithak Benateeja

Vishesh samvaadadaata . . Nai Delhi bhoomi adhigrahan bill par mangalvaar ko aayojit sarvadaleeya baithak benateeja rahi aur is par aam sahamati naheen ban paai. Iske kuchh muddon par kai paartiyon ne aapattiyaan jataain aur apne sujhaav pesh kiye. Iske maddenajar sarkaar ne sabhi dalon se aagaami 15 April tak is maamale mein apne sujhaav dene ko kaha hai. Bill par agali baithak ab 18 April ko hogi. Sansadeeya kaaryamantri Kamalnath ne yah baithak bulaai thi. Unka kehna tha ki sabhi dalon ki or se sujhaav aane ke baad graameen vikaas mantraalaya unka adhyayan karega aur fir agali baithak mein in binduon par charcha ki jaaegi. Sootron ke mutaabik, baithak mein BJP neta aur neta pratipaksh Sushma Swaraj ne do vikalp sujhaae. Unka kehna tha ki ya to is bill ko stainding committee ke paas bheja jaae ya fir is par sarvadaleeya baithak ke jariye sahamati banaai jaae. Swaraj ne bill ke 12 binduon par apni party ki taraf se sujhaav rakhe hain. BJP ki taraf se bhoomi adhigrahan bill ki paribhaasha mein saarvajanik uddeshya ki vistrut paribhaasha par bhi aapattiyaan jaahir ki gain. Sootron ke mutaabik, bill ko lekar vipaksh ka ravaiya sakaaraatmak hai. Abhi tak BJP ke saath-saath CPM aur eaaiedeeemake jaisi paartiyon ke sujhaav sarkaar ko mil chuke hain. Doosari or graameen vikaas mantri jayaraam ramesh ne bill ko lekar ab ki pragati par santosh jataate hue aagaami bajat session mein iske paas hone ki ummeed jaahir ki. Unka kehna tha ki saamaajik aur raajaneetik halakon mein sabhi log yah maanate hain ki maujooda bhoomi adhigrahan kaanoon mein kai khaamiyaan hain aur sabhi is baat ke pakshadhar hain ki jald se jald is disha mein ek prabhaavashaali kaanoon laaya jaana chaahiye. Mangalvaar ko hui baithak mein JDU, Congress, BJP, SP, beejedi, aaraeladi, shivsena, aarajedi, TMC, enaseepi, CPI, CPM aur teedeepi ke neta shaamil the. DMK, akaali dal aur BSP ne ismein shirkat naheen ki.

Bhoomi Adhigrahan Bill Par Baithak Benateeja https://www.angrejinews.com/pic/4991