Bhookamp Se Hila Cheen, Kai Logon Ke Marne Ki Khabar

World »

Bhookamp Se Hila Cheen, Kai Logon Ke Marne Ki Khabar

Beijing. . Cheen ka sichuaan praant shanivaar ko 7.0 teevrata ke jabardast bhookamp se hil gaya. Ismein abhi tak 70 logon ke maare jaane aur 600 se jyaada logon ke ghaayal hone ki khabar hai. Marne vaalon ki taadaad aur badhne ki aashanka hai. Saath hi, adhikaariyon ke mutaabik, ghaayalon ki sankhya hajaar ka aankada paar kar sakti hai. Adhikaariyon ne bataaya ki bhookamp sichuaan praant mein lushaan County yaan shahar mein sthaaneeya samayaanusaar subah aath bajkar do minute par aaya. Yah 13 kilometer ki gaharaai par keindrit tha. Is ilaake mein pehle bhi bhookamp aa chuka hai. May 2008 mein sichuaan mein aae bhookamp mein kareeb 90 hajaar log maare gaye the. Iski teevrata 8.0 thi. Sarkaari CCTV mein jo scene kaid hue hain, unke anusaar bhookamp se imaaraton ko bahut jyaada nuksaan huaa hai. Sichuaan ki rajdhani cheingadoo ke logon ne bhi jabardast bhookamp mahasoos kiya jo yaan shahar se kareeb 140 kilometer ki doori par sthit hai. Sichuaan praant Tibet ke najadeek sthit hai. 7.0 teevrata vaale is bhookamp ke baad bhi yahaan kai jhatke mahasoos kiye gaye. Inmein se ek jhatka 5.1 teevrata ka tha jisne aath bajkar saat minute par sichuaan ki lushaan aur baaoksing kaaunteej ke seemaavarti kshetr ko hilaakar rakh diya. Kshetr mein 4.0 ki teevrata se oopar kai jhatke mahasoos kiye gaye. Shinhuaa samaachaar agency ke anusaar, cheingadoo ke ek nivaasi ne bataaya ki vah ek imaarat ki 13veen manjil par tha. Usane dekha ki imaarat kareeb 20 second tak hilti rahi aur paas ki imaaraton ki taailein ukhadkar gir padeen. Sichuaan praant ki leshaan County aur paas ke chongaping kshetr ke logon ne bhi bhookamp mahasoos kiya. Iske alaava guijhoo, gaanasoo, shaanksi aur yunnaan praanton mein bhi bhookamp mahasoos kiya gaya. Sainya sootron ne bataaya ki bhookamp prabhaavit kshetr mein raahat aur bachaav kaarya ke liye 2000 se adhik sainik bheje gaye hain. Ye sainik cheingadoo militri area command (emaesi) ke hain. Is beech, haalaat ka jaayaja lene ke liye cheingadoo emaesi ke do helikauptaron ne jiyaajiyaang County se udaan bhar li hai.

Bhookamp Se Hila Cheen, Kai Logon Ke Marne Ki Khabar https://www.angrejinews.com/pic/6199