Bheeshan Sookhe Ke Sankat Se Joojh Raha Hai Uttar Korea

World »

Bheeshan Sookhe Ke Sankat Se Joojh Raha Hai Uttar Korea

Siyol, 15 May (epi) uttar Korea ne kaha ki desh mein khaadya sankat ki chintaaon ke beech vah kareeb chaar dashak ke sabse badtar sookhe ka saamana kar raha hai. sarkaari 'Korean central news agency' ne Budhvaar ko kaha ki is saal ke paanch maheenon mein poore desh mein ausatan 54.4 mimi (2.1 inch) baarish hui hai, jo 1982 ke baad se sabse kam hai. samaachaar agency ne kaha ki sookhe ke haalaat May ke ant tak jaari rahane ke aasaar hain. is maheene ke shuroo mein, sanyukt raashtra ki khaadya agencyon ne sanyukt aakalan ke baad kaha tha ki uttar Korea mein ek karod log bhojan ki gambhir kami ka saamana rahe hain. sanyukt raashtra mein uttar Korea ke raajadoot kim song ne tatkaal khaadya sahaayata ki appeal ki thi. epi nomaan prashaantaprashaant.

Bheeshan Sookhe Ke Sankat Se Joojh Raha Hai Uttar Korea https://www.angrejinews.com/pic/274747