Bhed-bakariyon Ki Tarah Vote Daalati Hai Bhaarat Ki Janataa Kaatajoo

Breaking » Saturday, March 30, 2013

Nai Delhi. . Bhaarateeya press parishad (peeseeaai) ke adhyaksh Justice maarkandeya kaatajoo ne shanivaar ko daava kiya ki Bhaarat ki janta bhed-bakariyon ki tarah matadaan karti hai. Kaatajoo ne yah bhi kaha ki vah chunaavon mein matadaan naheen kareinge kyonki aisi sthiti mein yah ''Arthaheen'' hai jab lokatantr ko saamanton ne agava kar liya ho. 'Hedalaains tude' news channel se baatcheet mein kaatajoo ne kaha, ''90 feesadi bhaarateeya bhed-bakariyon ki tarah jhund mein matadaan karte hain. Ve bhedon ke jhund ki tarah hain jo jaati aur dharm ke aadhaar par matadaan karte hain. Yah ek kadvi sachchaai hai. Aur choonki Bhaarat ki janta pashudhan ki tarah matadaan karti hai, lihaaja sansad mein itne aparaadhi hain. '' beete ek pakhavaade se apne bayaanon se surkhiyon mein rahe kaatajoo ne kaha, ''Main matadaan naheen karoonga kyonki mera mat arthaheen hai. Hamaara lokatantr ab bhi sankraman kaal se gujar raha hai aur saamanton ne use agava kar liya hai. Jaat, musalmaan, Yadav ya harijn ke naam dekhkar matadaan kiye jaate hain. Lokatantr is tarah chalne ke liye naheen hai. Mere ek vote se koi fark naheen padega. Jaanvaron ki jhund mein shaamil hokar main apna vakt bhala kyon barbaad karoon ? '' Supreme court ke poorv nyaayaadheesh kaatajoo ne kaha ki yahaan tak ki vakeel aur professor jaise samaaj ke sanbhraat log bhi jaati aadhaar par vote daalte hain aur unhonne Allahabad baar aur vishvavidyaalaya mein aisa hote dekha hai. Unhonne kaha, ''Main poornaroopen dharmanirpeksh vyakti hoon aur dharmanirpeksh hone par yadi mujhe kaangresajan karaar diya jaata hai to aap aisa drushtikon rakhane ke liye svatantr hain. Main saampradaayik taakaton ke khilaaf hoon. Yah vividhta ka desh hai aur yadi ham sabhi ko saath lekar naheen chaleinge to ham ek din bhi naheen jinda rah sakte. '' gaurtalab hai ki kaatajoo haal hi mein sanjaya datt ko maafi diye jaane ki vakaalat kar chuke hain. Isse pehle vo Gujarat ke mukhyamantri Narendra Modi ki pradhaanamantri pad ko lekar ho rahi daavedaari par bhi savaal khade kar chuke hain. Iske saath hi kaatajoo ne Bihar mein press ki svatantrata ko lekar neeteesh sarkaar par bhi hamla bola tha.