Bhardwaj Murder Kes Indore Se Yoga Trenar Hiraasat Mein

Breaking »

Bhardwaj Murder Kes Indore Se Yoga Trenar Hiraasat Mein

Indore. . Delhi ke arabpati kaarobaari aur bahujan samaaj party ke neta deepak Bhardwaj ki supaari dekar karaai gayi hatya ke maamale mein 40 varsheeya yog prashikshak ko poochhataachh ke liye hiraasat mein liya gaya. Erodram thaane ke prabhaari Akhilesh Dwivedi ne aaj bataaya ki Delhi police ke dal ne is sanasaneekhej hatyaakaand mein Avinash shaastri (40) ko sthaaneeya umaanand aashram ke paas se poochhataachh ke liye hiraasat mein liya. Shaastri shahar mein ek yog prashikshan kendra chalaata hai. Dwivedi ne bataaya ki Delhi police ek svaami ki talaash mein Indore pahunchi thi, jis par jameen ke vivaad mein raashtreeya rajdhani mein 26 March ko Bhardwaj ki hatya karaane ka shak hai. Unhonne bataaya, 'Delhi police ko soochana mili thi ki svaami ne shaastri ke Indore sthit ghar mein panaah le rakhi hai. Haalaanki, jab sthaaneeya police ki madad se shaastri ke ghar dabish di gayi, to vahaan svaami naheen mila. ' Dwivedi ke mutaabik shaastri, svaami ka achha parichit hai. Filhaal yah baat saamane I hai ki shaastri ke ghar svaami do din ruka bhi tha. Lekin svaami yah kehkar vahaan se chala gaya ki vah narmada kinaare ke kisi sthaan par ja raha hai. Unhonne bataaya ki shaastri filhaal Delhi police ki hiraasat mein hai. Usase poochhataachh mein mile sootron ke aadhaar par svaami ki saragarmi se talaash ki ja rahi hai.

Bhardwaj Murder Kes Indore Se Yoga Trenar Hiraasat Mein https://www.angrejinews.com/pic/4543