Bhandaara Mein Ek Aur Naabaalig Se Rape, Aaropi Teacher Giraftaar

India »

Bhandaara Mein Ek Aur Naabaalig Se Rape, Aaropi Teacher Giraftaar

Bhandaara: Maharashtra ke bhandaara jile mein ek aur balaatkaar ki ghatna saamane I hai. 13 saal ki ladki ke saath 20 February ko balaatkaar kiya gaya. Is maamale mein aaropi 46 saal ke school teacher ko police ne giraftaar kiya hai. Aarop hai ki peedit ladki school se ghar laut rahi thi, tabhi aaropi teacher use anajaan jagah le gaya aur uske saath balaatkaar kiya. Gaurtalab hai ki bhandaara jile mein hi teen bahanon ke shav ek kune mein mile the. Teenon ki umr 11 saal se kam thi. Behad gareeb parivaar ki in teenon ladkiyon ki balaatkaar ke baad hatya kar di gayi. In teenon bahanon ko kuchh log khaana khilaane ka laalach dekar apne saath le gaye aur fir unke saath balaatkaar kiya. Police ne shuruaat mein is maamale ko durghatana ke baad hui maut ke roop mein darj kiya tha, lekin logon ke jabaradast virodh ke baad ladkiyon ka postmortem karaaya gaya, jismein rape ke baad hatya ki pushti hui. Is maamale mein police abhi tak kisi ko giraftaar naheen kar paai hai.

Bhandaara Mein Ek Aur Naabaalig Se Rape, Aaropi Teacher Giraftaar https://www.angrejinews.com/pic/2618