Bhandaara Balaatkaar Aur Hatya Maamala Police Ke Haath Abhi Bhi Khaali

India »

Bhandaara Balaatkaar Aur Hatya Maamala Police Ke Haath Abhi Bhi Khaali

Nagpur. . Maharashtra ke bhandaara jile ke muramaadi gaanv mein teen maasoom sagi bahanon ke saath balaatkaar ke baad unki hatya ki jaanch mein lagi police ko ghatna ke ek pakhavaade baad bhi koi suraag haath naheen laga hai. Post maurtam report mein kaha gaya tha ki chhah, nau aur 11 saal ki ladkiyon ke saath balaatkaar ke baad unki hatya ki gayi, haalaanki jaanch ke najadeeki sootron ka daava hai ki unke saath balaatkaar naheen kiya gaya tha. Haal ki ek forensic vishleshan report mein bhi kaha gaya ki ladkiyon ka na to gala ghonta gaya hai aur na hi unhein jahar diya gaya hai. Report mein yah naheen bataaya gaya ki ladkiyon ki maut kis vajah se hui. Bhandaara ki police suparinteindeint Doctor aarti Singh se in report ki pushti ke liye sampark naheen ho paaya. Raashtreeya mahila aayog ke ek dal ne kal gaanv jaakar ladkiyon ke parivaar se mulaakaat ki. Dal ka kehna tha ki gaanv mein haadase ko lekar hue upadav ke baavajood koi pratyakshadarshi aage naheen aaya. Dal ne jaanch ko lekar naakhushi jaahir ki aur ise sanvedanaheen bataaya. Dal ki ek sadasya smita singhaalakar ne bataaya ki yah durbhaagyapoorn hai ki ghatna ka koi chashmadeed naheen hai. Teenon bahanein sthaaneeya school mein padhti theen aur 14 February se laapata tha. Unke shav 16 February ko gaanv ke ek kuen se mile. Is beech raajaneetik netaaon mein peedit parivaar se milne ki hod lagi hai. Gruh mantri aar aar Patil aur kendreeya mantri prafull Patel gaanv ka daura kar chuke hain. Shivsena ki yuva shaakha ke adhyaksh aaditya Thackeray aur shivsena ke neta vinaayak Raut, deepak saavant, neelam gorahe aur aasheesh jaayasavaal ne shukravaar shaam parivaar se mulaakaat ki

Bhandaara Balaatkaar Aur Hatya Maamala Police Ke Haath Abhi Bhi Khaali https://www.angrejinews.com/pic/3288