'Bhajji Masala Naheen Dravid

Cricket » Thursday, April 18, 2013

agencyan . Jaipur Rajasthan Royals ke captain Rahul Dravid ne in khabaron ko khaarij kiya hai ki Mumbai Indians ke khilaaf guruvaar ke match mein pesar A. Shreeshaant ko isliye pleing eleven se baahar kiya gaya, taaki Harbhajan Singh se unka saamana na ho sake. Pichhle dinon shreeshaant ne twitter par slaipaget par sanasaneekhej aarop Harbhajan Singh aur BCCI par lagaakar vivaad ko nae sire se garama diya tha. Vaheen kings eleven Punjab ke khilaaf pichhle match mein 20 run dekar do wicket lene vaale shreeshaant ko Mumbai ke khilaaf match se baahar kar diya gaya. Unki jagah spinner ankit chavhaan ko jagah di gayi. Sootron ne daava kiya tha ki team management naheen chaahata tha ki shreeshaant aur bhajji ka aamana saamana ho. Haalaanki match ke baad Dravid ne kaha, 'Shreeshaant ko baahar karne mein koi bhajji factor naheen tha. Vah chaar match khel chuke the aur achha pradarshan kar rahe hain. Hamein abhi kaafi match khelne hain aur ham unhein thoda aaraam dena chaahate the. Vah sabhi match naheen khel sakte. ' shreeshaant ne kuchh din pehle yah daava karke 2008 ke thappad kaand ki yaadein fir taaja kar di ki vah ghatna suniyojit thi aur Harbhajan 'Peeth mein chhura ghopane' vaale insaan hain. Rajasthan ki 87 run se jeet ke baare mein Dravid ne kaha ki team ne rananeeti par aksharash: Amal kiya. Unhonne kaha, 'Batting aur bauling mein pehle chhah over nirnaayak hote hain. Shane Watson aur ajinkya rahaane ne 62 run ki saajhedaari ki, jabki geindabaaji mein humne sachin aur Ponting ke aham wicket 26 run ke bheetar le liye. '=180 run ke lakshya ka bachaav karne ke liye Dravid ne ajit chandeela aur ankit chavhaan se geindabaaji ki shuruaat karaai. Chandeela ne Tendulkar aur Ponting ka wicket liya, jabki chavhaan ne teen over mein sirf 10 run diye. Dravid ne apni straitiji ke baare mein kaha, 'Logon ko lagta hai ki main paaramparik straitiji mein vishvaas rakhata hoon, lekin mainne pehle bhi chandeela aur chavhaan se shuruaat karaai hai. Humne dishaant yaagnik ko batting mein oopar bheja aur is bharose par khare utarakar usane achhi paari kheli. Koi order fix naheen hai. Yadi humne jaldi wicket ganvaae hote to teesare number par main utarata. Yah haalaat par nirbhar karta hai. Hamein laga ki us samay yaagnik jaise left haindar baitsamain ki jaroorat thi to use bheja gaya. '