Bhains Ke Aage Been Bajaakar Kiya Rape-kaand Ka Virodh

India »

Bhains Ke Aage Been Bajaakar Kiya Rape-kaand Ka Virodh

ek samvaadadaata . Revaadi samaaj mein mahilaaon ke saath badh rahe aparaadh ko lekar kendra aur pradesh ki sarkaar ki aankh kholne aur Delhi ki gudiya ke saath balaatkaar ke doshiyon ko faansi ki saja dilaane ki maang ko lekar bhaarateeya janta party yuva morcha ne virodh ka naayaab tareeka apnaaya. Morcha ke jila adhyaksh satyadev Yadav ki adhyakshata mein Rajiv chauk par aayojit kaaryakram mein padaadhikaariyon va kaaryakartaaon ne bhains ke aage been bajaakar prateekaatmak virodh jataaya. Is mauke par morcho ke pradesh mahaamantri varun chaudhari ne kaha ki desh aur pradesh ki Congress sarkaarein aaj poori tarah se taanaashaahi par utaaroo hai. Vipaksh dvaara uthaai gayi aavaaj ka us par koi asar naheen ho raha hai. Vipaksh jahaan sansad va vidhaanasabha mein sarkaar ki naakaamiyon ko utha raha hai, vaheen aam janta sadkon par utarakar aparaadh se samaaj ko mukti dilaae jaane ki maang kar rahi hai. Unhonne kaha ki Congress ki sarkaarein janta ki aavaaj ko anasuna kar rahi hai. Is mauke par satyadev Yadav ne kaha ki Delhi ki gudiya ke saath huaa balaatkaar Congress sarkaar ki badi naakaamiyon mein se hai. Congress raaj mein mahilaaen to door aaj gharon mein bachchiyaan bhi surakshit naheen rah gayi hain. Congress har baar kaanoon banaane va doshiyon ko kathor saja dene ki baat to karti hai, lekin uske raaj mein mahilaaon ke saath aparaadh lagaataar badhte ja rahe hain. Unhonne kaha ki Congress ki sarkaar sabhi morcha par vifal saabit ho rahi hai.

Bhains Ke Aage Been Bajaakar Kiya Rape-kaand Ka Virodh https://www.angrejinews.com/pic/6593