Bhagava Aatankvaad Shinde Ke Khed Ko RSS Ne Asveekaara

Breaking »

Bhagava Aatankvaad  Shinde Ke Khed Ko RSS Ne Asveekaara

Nai Delhi: Sangh parivaar mein guruvaar ko us samay matabhed najar aae jab raashtreeya swayamsevak sangh (RSS) ne 'Hindu aatankvaad' sambandhi tippani ko lekar gruhamantri susheel Kumar shinde ke khed ko sveekaar karne se inkaar kar diya jabki bhaarateeya janta party is maamale mein khatm maan chuki hai. RSS pravakta Ram maadhav ne twitter par likha ki shinde dvaara Jaipur mein ki gain tippaniyaan aapattijanak aur apamaanajanak hain. Unhonne keval khed jataaya hai. Unhein maafi maangani chaahiye thi aur unhein Pakistan ke aatankvaadiyon ki ninda karni chaahiye thi. Maadhav ne kaha ki shinde ko Jaipur mein ek maheene pehle ki gain tippaniyon ke liye kam se kam 'Sauri' bolna chaahiye tha. Gaurtalab hai ki shinde ki in tippaniyon se unke aur sangh parivaar ke beech takaraav ki sthiti paida ho gayi thi aur bhaajapa ne unka bahishkaar karne ki dhamaki tak day di thi. RSS ke pravakta ke bayaan bhaajapa ke rukh se vipreet hain kyonki bhaajapa ne shinde ke khed ko sveekaar kar liya hai. Bhaajapa neta murali manohar Joshi ne is sambandh mein kaha ki party ne shinde se sambandhit is maamale ko khatm karne ka faisala kiya hai. Sansad mein sambhaavit gatirodh khatm karne ke prayaas mein shinde ne kal ek bayaan jaari karke apni tippani ko lekar khed jataaya tha aur kaha tha ki unke bayaan ko galat tareeke se liya gaya. Shinde ke khed ko sveekaar karne se inkaar karte hue RSS pravakta ne kaha ki unki tippinyon se Bhaarat ko kshati pahunchi hai aur isse desh ke khilaaf maujood tatvon ko majabooti mili hai lekin unhonne unke baare mein ek shabd bhi naheen kaha.

Bhagava Aatankvaad Shinde Ke Khed Ko RSS Ne Asveekaara https://www.angrejinews.com/pic/2519