Bhaari Patharaav Mein Police Ne Maan-bachche Ko Surakshit Pahunchaaya

Breaking »

Bhaari Patharaav Mein Police Ne Maan-bachche Ko Surakshit Pahunchaaya

Shreenagar. . Jammu-Kashmir ke baaraamoola jile mein bhaari patharaav ke beech fansi ek mahila ko police ne uske navajaat shishu ke saath ghar pahunchaane mein madad ki. Suraksha shivir hataane ki maang ke samarthan mein lagaataar pradarshan ka guruvaar ko doosra din tha. Police pravakta ne kaha ki baaraamoola nagar sthit apne ghar jaate vakt bhaari patharaav mein fans gaye navajaat shishu aur uske maata-pita ke chaaron or rakshaatmak ghera bana diya gaya tha. Pravakta ne kaha ki bachche aur usaki maan ko baaraamoola jila aspataal se chhutti di gayi thi. Aspataal se ghar jaate vakt ve patharaav mein fans gaye. Unhonne kaha, ''Shishu, uske maata-pita aur unke saath rahi ek anya mahila ko ghar pahunchane ke liye ek pul ko paar karna tha. Lekin pul par ho rahe bhaari patharaav ke kaaran ve use paar naheen kar ke. Patthar barsa rahe pradarshanakaari navajaat shishu ke maata-pita aur police ke anurodh par bhi dhyaan naheen day rahe the. '' pravakta ne kaha ki lagaataar ho rahi pattharabaaji se bachche ki jaan ko bhi khatra tha.

Bhaari Patharaav Mein Police Ne Maan-bachche Ko Surakshit Pahunchaaya https://www.angrejinews.com/pic/5239