Bhaari Defisit Aur Kharchon Se Kaise Niptegi Sarkaar

Business »

Bhaari Defisit Aur Kharchon Se Kaise Niptegi Sarkaar

uma shashikaant bajat se ummeedein badhti ja rahi hain. Aisi atkalein lag rahi hain ki bajat mein kaun si ghoshanaaen ki ja sakti hain. Sarkaar apna paulisi agenda ghoshit karne ke liye is avsar ko haath se jaane naheen degi. Rets, slaibs aur rools mein badlaav hi ummeedon par khara utarane ke liye kaafi naheen hoga. Spasht aur bade iraadon ko hakeekat mein badalne ke liye samay ki jaroorat hoti hai. Sarkaar ko industrial divelapameint ko protsaahan dene se lekar eksaport badhaane ke saath hi enplauyameint aur income mein lagaataar badhotri ke liye paulisi se jude kadam uthaane honge. Yeh jaroori naheen hai ki inki ghoshana bajat mein hi ki jaae. Ye ailaan baad mein bhi ho sakte hain. Bajat ka focus revenyoo aur kharch par hona chaahiye. Sarkaar ke divelapameint agenda ko uske revenyoo ke saath jodne ki jaroorat hogi. Kuchh aise business hain, jo bahut se rools ki vajah se shuroo naheen kiye ja sakte. Kuchh aise business hain, jinki kaust bahut jyaada hai. Kuchh aise business bhi hain jo ek anumaanit prauses ke jariye prokyorameint ya seling naheen kar sakte. Yeh mainyufaikcharing, services aur egreekalchar jaise bahut se business ke liye sach hai. Is business ko is tarah ki mushkilon se baahar nikaalne se sarkaar ka khajaana shaayad naheen bhar sakega. Professor aar vaidyanaathan ne apni kitaab India yooneek mein jikr kiya hai ki meediym aur smaul business desh ke GDP mein 50 parseint se jyaada ka yogadaan dete hain, lekin ye bhrasht byoorokrets ki or se laagoo kiye gaye puraane kaanoonon ka paalan karte hain. Finance aur infrastructure ko lekar bhi in farmon ko bahut si bandishon ka saamana karna padta hai. Iske nateeje mein inmein se bahut si farmein cash mein deal karti hain, apni aamdani ko chhipaati hain aur tax, duty aur sarachaarj naheen chukaateen. Tax ki chori itni adhik hai ki desh mein jyaadaatar business strakchars is tarah se banaaya jaata hai ki jisse kam se kam tax dena pade. Malteeneshanal companiyaan jahaan videsh mein tax haivens ke jariye traanjaikshans karti hain, vaheen bahut se profeshanals tax return mein apni income kam dikhaate hain. Agar sarkaar ka focus revenyoo badhaane par hai to bajat mein is khaami ko door karne ka raasta khojana hoga. Agar divelapameint, growth aur enplauyameint ka maahaul taiyaar kiya jaata hai to tax edaministreshan ke poori kshamata ke saath kaam kiye bina sarkaar ko jyaada revenyoo naheen milega. Agar infrastructure ki kamiyon ki vajah se hamaara praudakshan kam hai to inhein door karne se sarkaar ko jyaada revenyoo mil sakta hai. Mujhe lagta hai ki sarkaar ke paas laung-tarm saulyooshan par kaam karne ka samay naheen tha. Daayarekt tax code (DTC) aur guds end service tax (jeeesati) par abhi bahut sa kaam baaki hai aur sarkaar shaayad iske liye bajat mein ek rodamaip hi pesh kar sakegi. Sarkaar ke saamane ek aur samasya yeh hai ki use viraasat mein ek bada defisit mila hai aur iske saath hi bajat mein bhaari-bharakam kharch bhi hain. Food, Oil aur fartilaaijar subsidy mein jald kami karna mushkil hoga.

Bhaari Defisit Aur Kharchon Se Kaise Niptegi Sarkaar https://www.angrejinews.com/pic/55753