Bhaarateeya Purush Teerandaaji Team Ko Olanpik Kota

Sports »

Bhaarateeya Purush Teerandaaji Team Ko Olanpik Kota

Den bosh (Netherland), 12 June (bhaasha) Bhaarat ki rikrv purush teerandaaji team ne Budhvaar ko yahaan vishv championship mein Canada ko 5-3 se haraakar quarter final mein jagah banaate hue 2020 tokyo khelon ke liye olanpik kota haasil kiya. London olanpik 2012 ke baad yeh pehla mauka hai jab bhaarateeya purushon ne team kota haasil kiya hai. Bhaarateeya purush team Rio olanpik 2016 ke liye qualify karne mein vifal rahi thi aur vyaktigat varg mein bhi atanu das pre quarter final mein haar gaye the. bhaarateeya team mein taroonadeep rai, atanu das aur praveen jaadhav shaamil hain. London olanpik mein bhaarateeya team ka hissa rahe do baar ke olanpiyn taroonadeep rai ne kaha, ''Humne antat: Kar dikhaaya. Ek team ke roop mein ham achha pradarshan kar rahe hain aur ab tokyo khelon ko lekar utsuk hain. '' unhonne kaha, ''Mujhe yakeen hai ki virodhi teemon par bhi isi tarah ka dabaav hai. Isliye aham yeh hai ki dhairya rakha jaae aur yeh hamaare liye achha raha. '' kvaaleefaaing round mein chhathe sthaan par rahane ke baad Canada ko pehle daur mein baai mila tha. Seedhe pre quarter final mein khel rahi Canada ki team ke khilaaf Bhaarat ne achhi shuruaat ki aur bhaarateeya tikdi ne teen parafekt shot se shuruaat ki. Bhaarateeya team ne pehla set 56-55 se jeeta. doosare set ki bhi achhi shuruaat karte hue bhaarateeya tikdi ne pehle set se ek adhik ank jutaaya aur ise 57-56 se jeetkar 4-0 ki badhat banaai. erik peetars, krispin duenaas aur Brian maiksel ki tikdi ne teesara set 58-54 se jeetkar mukaabale ko romaanchak banaaya. Bhaarat ko jeet ke liye antim set mein taai ki darkaar thi aur 57-57 ke score se Bhaarat ne mukaabala 5-3 se jeetkar olanpik kota haasil kiya. quarter final mein jagah banaane waali teemon ko teen khilaadiyon ka poorn kota milega jabki team spardha mein qualify naheen karne waali teemon ke sheersh chaar vyaktigat teerandaajon ko apne apne desh ke liye ek sthaan milega. ises pehle 39vein vareeya Abhishek varma, Bhagwan das (35vein) aur rajat chauhaan (88vein) tatha mahila teerandaaj jyoti surekha (17vein) ne kanpaaund varg ke teesare daur mein jagah banaai. ranking daur mein sheersh aath mein jagah banaane waali muskaan kiraar ko round of 32 mein baai mila. muskaan ki aguaai mein bhaarateeya kanpaaund team ne 2099 ank ke saath ranking daur mein Columbia (2111) aur Korea (2101) ke baad teesara sthaan haasil kiya tha. Team ne seedhe pre quarter final mein pravesh kiya aur vahaan France ko 236-226 se haraakar quarter final mein jagah banaai. kvaaleefaaing round mein 14vein sthaan par rahi bhaarateeya kanpaaund purush team ne pehle daur mein Spain ko 235-229 se haraakar pre quarter final mein jagah banaai jahaan usaka saamana teesare vareeya Turkey se hoga. Bhaarat kanpaaund mishrit peyar spardha mein bhi padak ki daud mein hai jahaan varma aur muskaan ne kvaaleefaaing mein sheersh aath mein rahate hue seedhe antim 16 mein jagah banaai jahaan usaka saamana Germany se hoga.

Bhaarateeya Purush Teerandaaji Team Ko Olanpik Kota https://www.angrejinews.com/pic/280819