Bhaarateeya Pairants Se Alag Kiya Gaya Bachcha

World »

Bhaarateeya Pairants Se Alag Kiya Gaya Bachcha

London . . Oksaford mein rahane waali ek bhaarateeya faimili apne paanch saal ke bete ko vaapas paane ki jang lad rahi hai. British social service ke adhikaariyon ne bachche ko unase alag karke keyar hom mein rakh diya hai. Adhikaariyon ko shak hai ki bachche ko uske pita ne 'Galat dhang se chhuaa' hai aur usaka 'Shaareerik shoshan' huaa hai. Kya hai maamala : Beete 6 March ko beyards hil primary school ke teecharon ne class van ke student achintya ki shikaayat ke baad police aur social service ke adhikaariyon ko bula liya tha. Achintya ne kaha tha ki mere paapa ek 'Bure aadmi' hain aur mere saath 'Gandi harakatein' karte hain. Iske baad bachche ko uske maan-baap se alag kar diya gaya. Maan-baap ne kiya khaarij : Bachche ke pairants rajat puri aur shruti ka kehna hai ki school ne hamaare bete ke kaumeint ka galat matlab nikaalate hue ise 'Seksual chhedchhaad' ka maamala samjha. Shruti ka kehna hai ki achintya ke paapa ke 'Bure bartaav' karne se ishaara unke saarvajanik taur par sharaab peene ki aadat ki or tha. Shruti ke mutaabik, mainne hi bete ko samajhaaya tha ki sharaab peena buri baat hai. Cameron ko bhi likha: Shruti aur rajat 2009 se oksaford ke rojahil ilaake mein rah rahe hain. Shruti ka kehna hai ki jab vah apne bete se aakhiri baar mileen to usaki peeth aur chehare par chot ke nishaan the. Use andhere kamre mein rakha ja raha hai aur vah kaafi dara huaa tha. Ham us ilaake ke MP aur cheef of social service se mile, lekin kisi se koi madad naheen mili. Pairants ne is baare mein british PM Cameron ko bhi likha hai. Shruti ne is maamale mein rangabhed ka bhi aarop lagaaya. Gaurtalab hai ki isi se milta-julata maamala Norway mein bhi dekhne ko mila tha, jismein pairants se bachchon ko unase alag kar diya gaya tha.

Bhaarateeya Pairants Se Alag Kiya Gaya Bachcha https://www.angrejinews.com/pic/4768