Bhaarateeya Kaarobaariyon Ko Usi Din Visa, Vidyaarthiyon Ki Seema Naheen Cameron

Breaking »

Bhaarateeya Kaarobaariyon Ko Usi Din Visa, Vidyaarthiyon Ki Seema Naheen  Cameron

Mumbai: Bhaarateeya kaarobaariyon evam vidyaarthiyon ko lubhaane ke liye Britain ke pradhaanamantri David Cameron ne somvaar ko ghoshana ki ki unka desh niveshakon ko ek din mein visa upalabdh karaane ki seva pesh karega. Unhonne yah bhi kaha ki Bhaarat se Britain adhyayan karne ke liye jaane vaale vidyaarthiyon ki adhiktam sankhya tay naheen ki gayi hai. Mumbai mein taaj hotel mein bhaarateeya companiyon ke kaaryakaariyon ko sambodhit karte hue Cameron ne kaha, ''Hamaara sabse bada visa parichaalan kendra yahaan Bhaarat mein hai. Main ghoshana karta hoon ki ham kaarobaariyon ke liye usi din visa seva pesh karne ja rahe hain. Yah un logon ke liye hoga jo hamaare desh aakar nivesh karna chaahate hain. '' Britain mein bhaarateeya vidyaarthiyon ke mudde par unhonne kaha, ''Vishvavidyaalayaasein mein padhaai karne vaale bhaarateeya vidyaarthiyon ki sankhya ki 'Koi seema' tay naheen hai. Saath hi Britain mein rahate hue padhaai mein utteern hone ke baad snaatak stareeya naukriyaan karne va thaharane ki avadhi ki bhi koi samayaseema naheen hai. '' Ab tak ka sabse bada pratinidhimandal lekar Bhaarat ki yaatra par aae Cameron ne yah bhi kaha ki Bhaarat ko Britain ki companiyon ke liye behtar avsaron ka srujan karne ke liye vyaapaar sambandhi baadhaaen hataana jaari rakhana chaahiye. Unhonne kaha ''Ham chaahate hain ki Bhaarat sarkaar vyaapaar pratibandhon ko samaapt kare aur yahaan kaarobaar karna aasaan banaae. Is baat ka dhyaan rakhana chaahiye ki jis prakaar ham Britain mein bhaarateeya nivesh ka svaagat karte hain, vaise hi Britain ki companiyon ke liye Bhaarat mein beinking, khudara kshetr tatha anya kshetron mein nivesh karna aasaan hona chaahiye. '' Britain ke pradhaanamantri ne bhaarateeya companiyon ko Britain mein nivesh ke liye aamantrit karte hue kaha ki unke liye vahaan behtar sanbhaavanaayein hain.

Bhaarateeya Kaarobaariyon Ko Usi Din Visa, Vidyaarthiyon Ki Seema Naheen Cameron https://www.angrejinews.com/pic/2211