Bhaaratavanshi Ne America Mein Jeeti Sabse Oonchi Nyoonatam Majadoori Ki Ladaai

Business »

Bhaaratavanshi Ne America Mein Jeeti Sabse Oonchi Nyoonatam Majadoori Ki Ladaai

Chidaanand raajagatta, Washington America ke siyetal shahar mein somvaar ko kaanoon paarit kiya gaya jiske tahat vahaan kaamagaaron ki nyoonatam majadoori 15 dollar prati ghanta kar di gayi. Yeh America mein sabse jyaada hai. Shahar ke kaamagaaron ko mili yeh safalta ek lambe abhiyaan ki kaamayaabi hai aur is abhiyaan ke peechhe Bhaarat mein janmi ek mahila ki badi bhoomika hai. Kshama saavant khud ko ek soshalist kehti hain. 41 saal ki kshama pichhle saal November mein siyetal city kaaunsil mein soshalist altaranetiv candidate ke taur par chuni gayi theen. Unki jeet ke peechhe minimm vej badhaane aur ameeron par tax lagaane jaise vaayade the. America jaise desh mein jahaan soshalijm aur soshalists ko gahre sandeh se dekha jaata hai, unki jeet apne aap mein aashcharyajanak thi. Unki ilekshan kainpen ko shahar ke 4 lakh voteron ke ek bade hisse varking class logon ka samarthan mila. Saavant ka janm Pune mein hua aur unhonne Mumbai mein injiniyring ki padhaai ki. Unhonne America mein kuchh dinon tak software company mein naukri bhi ki. Iske baad unhonne naurth kairolaaina se ikanaumiks mein Ph. D. Ki. Saavant ka kehna hai ki ikanaumiks padhne ka faisala daraasal un raajaneetik-saamaajik savaalon ka javaab dhoondhane ki ek koshish thi jinse unka saamana Bhaarat mein hua tha. Pichhle November ek interview mein unhonne kaha tha ki vah dil se hamesha ek soshalist rahi hain. Saavant ka kehna hai ki America ka education system aapko in savaalon ke javaab naheen deta balki sirf kaipitilist system ke liye ek intelekchual jastifikeshan hi deta hai. Yeh bas bataata hai ki yooniyns kaise bure hain aur gareeb log isliye gareeb hain kyonki ve sust hain. Saavant padhaai ke baad siyetal aain jo apne left-libral jhukaav ke liye jaana jaata hai. Yahaan city kaaunsil mein chune jaane ke baad unhonne oonchi nyoonatam majadoori, reint control laagoo karne, sarkaari yooniyns ki suraksha aur ameeron par adhik tax jaise vishyon ke liye kaam kiya hai. Jaahir hain jahaan unhein varking class ka saath mila hai to vaheen kaipiltist interests ka virodh bhi. Siyetal shahar ko Microsoft va Boeing jaise companiyon ke ghar ke roop mein jaana jaata hai. Somvaar ko city kaaunsil ne 15 dollar prati ghante ki nyoonatam majadoori ka kaanoon paas kar diya. Yeh majadoori agale teen se saat saal mein laagoo hogi. Pehle yeh dar kareeb 9.32 dollar thi jo mahangaai ke hisaab ke badalti thi.

Bhaaratavanshi Ne America Mein Jeeti Sabse Oonchi Nyoonatam Majadoori Ki Ladaai https://www.angrejinews.com/pic/52744