Bhaarat Teesare Sthaan Par Khiska Lekin Kohli ICC One-day Ranking Mein Sheersh Par Kaayam

Breaking »

Bhaarat Teesare Sthaan Par Khiska Lekin Kohli ICC One-day Ranking Mein Sheersh Par Kaayam

Dubai: bhaarateeya cricket team Budhvaar ko jaari taaja ICC one-day ranking mein ek paayadaan khiskakar teesare sthaan par pahunch gayi, lekin viraat Kohli ballebaaji soochi mein sheersh par barkaraar hain. Bhaarat ne apna doosra sthaan Sri Lanka ko ganva diya, jabki Australia ne apni baadashaahat kaayam rakhi. Sri Lanka ne England par paanch maichon ki shrunkhala 3-2 se apne naam ki, jisse use ek rating ank ka faayda hua aur uske 112 ank ho gaye, jo Bhaarat ke rating ank ke baraabar the. Haalaanki jab dashamlav ke ank ki ganana ki gayi, to Angelo Matthews ki team ne Bhaarat ko pachhaad diya. vyaktigat ranking mein bhaarateeya kaptaan Mahendra Singh Dhoni chhathe sthaan par bane hue hain, jabki shikhar dhavan ek paayadaan ke nuksaan se aathavein sthaan par khisak gaye hain. Rohit sharma ne 20vaan sthaan haasil kar sheersh 20 mein jagah bana li. Geindabaajon mein of spinner Ravindra jadeja ek paayadaan khiskakar paanchavein sthaan par pahunch gaye aur vah sheersh 10 mein shaamil ekamaatr bhaarateeya geindabaaj hain. is soochi mein England ke of spinner James tradewell aur Sri Lanka ke sachitra senaanaayake ne donon teemon ke beech shrunkhala ke pradarshan ke aadhaar par pehli baar sheersh 20 mein pravesh kiya. Sri Lanka ne paanchavaan aur antim match chhah wicket se jeetkar shrunkhala 3-2 se jeeti thi.

Bhaarat Teesare Sthaan Par Khiska Lekin Kohli ICC One-day Ranking Mein Sheersh Par Kaayam https://www.angrejinews.com/pic/52803