Bhaarat Sarkaar Sri Lanka Ya Hamamein Se Ek Ko Chun Le DMK

Breaking » Wednesday, February 27, 2013

Nai Delhi: Kendra mein sattaaseen sanyukt pragatisheel gathabandhan (UPA) mein Congress ke sabse bade sahayogi dal Dravid munetr kashagam (DMK) ne Sri Lanka mein tamilon ke viruddh hue kathit yuddh aparaadhon par Rajyasabha mein hui charcha ke dauraan Budhvaar ko saaf chetaavani di ki sarkaar yah tay kar le ki vah Sri Lanka ki mitr bane rahana chaahati hai, ya dakshin Bhaarat mein maujood apne mitron (DMK) ke saath. DMK ke Rajyasabha sadasya tiruchi shiva Budhvaar ko british media dvaara jaari ve tasveerein lekar sadan mein aae the, jinmein liberation taaigars of tamil ilam (litte) pramukh prabhaakaran ke 12-varsheeya bete ko hiraasat mein jinda dikhaaya gaya hai, jabki baad mein usaki goliyon se bindhi laash saarvajanik ki gayi thi. Aarop hai ki shreelankaai sena ne jaanboojhkar is bachche ko jaan se maar daala. DMK sadasya ke mutaabik party chaahati hai ki Bhaarat sarkaar sanyukt raashtra mein Sri Lanka ke khilaaf laae jaane vaale prastaav ka samarthan kare, aur shreelankaai raashtrapati mahinda raajapakshe ko Bhaarat daure ki anumati naheen day. Iske baad DMK sadasyon ne vaamapanthiyon tatha annaadramuk sadasyon ke saath videshamantri Salman khursheed dvaara bahas par diye gaye javaab ko khaarij karne ke liye vaukaaaut kar diya. Ullekhaneeya hai ki bahas ka javaab dete hue Budhvaar ko hi khursheed ne kaha tha ki Sri Lanka ko 'Shatru raashtra' naheen pukaara jaana chaahiye. Unhonne kaha tha ki bhale hi hamaare man mein unke liye (shreelankaaiyon ke liye) gussa ho sakta hai, lekin hamein unhein 'Shatru raashtra' naheen kehna chaahiye. Khursheed ne yah bhi kaha tha ki Tamil Nadu ke hamaare mitron (DMK aur annaadramuk) ne jo chinta jataai hai, vah usaka sammaan karte hain, aur unhonne aashvaasan diya tha ki vah sirf unki (tamil paartiyon ki) chinta naheen hai.