Bhaarat-Pak Match Ke Tikt Aadhe Ghante Mein Bike

Cricket »

Bhaarat-Pak Match Ke Tikt Aadhe Ghante Mein Bike

Dubai. . Bhaarat aur Pakistan beshak ek doosare ki sarajmeen par jaakar khelne mein gurej karte hon, lekin cricket ke maidaan par in do mulkon ki jang ke sabhi shaukeen hain. Iska haaliya najaara yah hai ki Birmingham mein in donon cricket teemon ke beech hone vaale match ke sabhi tikt sirf aadhe ghante ke bheetar bik gaye. Bhaarat aur Pakistan ke beech Birmingham mein 15 June ko hone vaale ICC champions trofi match ke tikt online bikri shuroo hone ke aadhe ghante ke bheetar hi bik gaye. Tournament ke nideshak Steve elavardi ne kaha, 'Ham tikton ko lekar logon ke utsaah se dang rah gaye. Bhaarat aur Pakistan ke beech match ke tikt 30 minute ke bheetar bik gaye. Final samet baaki maichon ke tikt bhi bik rahe hain. ' ICC champions trofi mein vayaskon ke tikt teen shreniyon mein hai jismein svarn, rajat aur paarivaarik deergha shaamil hai. Inke tikt 20 se 60 pound ke beech hain. Under 16 tikt paanch pound ke hain lekin bachchon ko kisi vayask ke saath hi stadium aana hoga. Under 21 ke liye tikt darein 10 se 25 pound ke beech hai. ICC champions trofi ke match kaardif, edabastan aur the oval par honge.

Bhaarat-Pak Match Ke Tikt Aadhe Ghante Mein Bike https://www.angrejinews.com/pic/4987