Bhaarat Ne France Ke Samaksh Pagadi Par Rok Ka Mudda Uthaaya
Breaking » Monday, February 18, 2013
Nai Delhi: Pradhaanamantri Manmohan Singh ne France mein pagadi pahanane par pratibandh ke baare mein fraanseesi raashtrapati fraansva olond ko Bhaarat ki 'Bhaavanaaon' se avagat karaaya hai. Is par olond ne aashvaasan diya hai ki vah sambandhit adhikaariyon se sikh samudaaya se baat karne ko kaheinge. Jaankaar sootron ke anusaar vaarta mein France mein sikhon ke pagadi mudde par Bhaarat ne apni chinta jataai. Unhonne kaha, 'Bhaarat aur France ke beech haal mein shikhar sammalen star ki vaarta mein (14 February ko) vaishvik bhoo-raajaneetik ghatnaakramon, raksha khareed, asainya parmaanu sahayog aur vyaapaar jaise muddon ke chhaae rahane ke saath hi Bhaarat ne France mein sikh pagadi mudde par apni chinta jataai. '' Sootron ne bataaya ki maana jaata hai ki pradhaanamantri ne maamale mein raashtrapati olond ko Bhaarat ki 'Bhaavanaaon' se avagat karaaya. Unhonne kaha, 'Aisa samjha jaata hai ki fraanseesi raashtrapati ne chintaaon ko dhyaan se suna aur sanket diye ki apni vaapasi par vah adhikaariyon se salaah mashavira kareinge aur aur unase France mein sikh samudaaya se baat karne ko kaheinge. '' France ke saath is mudde par vibhinn staron par baacheet jaari hai. December 2012 mein fraanseesi videsh mantraalaya mein dhaarmik maamalon ke doot ronaald dubretreind ne Bhaarat ka daura kiya tha aur videsh raajya mantri praneet Kaur se charcha ki thi. France mein sadkon aur niji schoolon mein sikhon ke pagadi pahanane par rok naheen hai, lekin sarkaari schoolon mein pagadi aur yahaan tak ki kraus chinh sahit kisi bhi tarah ka dhaarmik prateek pradarshit karne par pratibandh hai. 15 March 2004 ko France ke tatkaaleen raashtrapati Jacques shiraak ne fraanseesi shiksha sanhita mein sanshodhan kar sarkaari schoolon mein aise kapde ya prateek pahanane par rok laga di thi jinse spasht taur par dhaarmik pehchaan jhalakati ho. France hamesha kehta raha hai ki yah kaanoon vishesh roop se sikhon ke khilaaf naheen hai, balki isse Catholic bhi prabhaavit hue hain jo France ki aabaadi ka 80 pratishat hissa hain.