Bhaarat Ne Antim Lamhon Mein Gol Ganvaaya, Korea Se 1-1 Se Dooa Khela

Sports »

Bhaarat Ne Antim Lamhon Mein Gol Ganvaaya, Korea Se 1-1 Se Dooa Khela

Ipoh (Malaysia), 24 March (bhaasha) antim lamhon mein gol khaane ki Bhaarat ki samasya ravivaar ko yahaan jaari rahi jisse team ne sultaan ajalan shaah cup hockey tournament mein Korea ke khilaaf 1-1 se dra khela. Korea ne antim lamhon mein baraabari ka gol daaga. Bhaarat ne 28vein minute mein manadeep ke gol ki badaulat badhat banaai aur team chhah deshon ke tournament mein lagaataar doosari jeet ki or badh rahi thi lekin khel khatm hone se 22 second pehle defence ki galati ke kaaran jongahyun jeing ne Korea ko baraabari dila di. match khatm hone mein jab aath minute ka khel baaki tha tab chauthe quarter mein bhaari baarish ke kaaran khel rokana pada. Bhaarat ne shanivaar ko apne pehle match mein Japan ko 2-0 se haraaya tha. Bhaarat ne match ki achhi shuruaat ki. Midfielder vivek saagar ne circle ke andar achha moov banaaya lekin Korea ke defenderon ne unke prayaas ko naakaam kar diya. defender sureindar Kumar ne iske baad Korea ke hamle ko vifal kiya. Bhaarat ko 10vein minute mein pehla penalty corner mila lekin team ise gol mein badalne mein naakaam rahi. Bhaarat ko doosare quarter mein doosra penalty corner mila lekin drag flick ko Koreai goalkeeper ne rok diya. Korea ke teen khilaadiyon kin hyongajin, jihun yaing aur li naamayong ko iske baad hara card dikhaaya gaya jiske baad maidaan par uske aath hi khilaadi rah gaye. Bhaarat ne iska faayda uthaaya aur 28vein minute mein anubhavi manadeep Singh ne Bhaarat ko badhat dila di. madhyaantar tak bhaarateeya team 1-0 se aage thi. Teesare quarter mein koi team gol naheen kar saki. Is quarter mein baarish ke beech khel khela gaya aur Korea ne Bhaarat ki defence ki khaami ka faayda uthaakar pehla penalty corner haasil kiya. Bhaarat ke amit rohidaas ne haalaanki ise aasaani se naakaam kar diya. match khatm hone mein jab aath minute ka khel bacha tha tab baarish ke kaaran khel rokana pada. Khel dobaara shuroo hone par Korea ne aakraamak khel dikhaaya aur use lagaataar do penalty corner mile lekin team inhein gol mein naheen badal sakti. jab 53 second ka khel baaki tha jab Korea ko ek aur penalty corner mila. Jongahyun ki damadaar drag flick ko bhaarateeya goalkeeper PR shreejesh ne rok diya lekin raifaral lene par Korea ko ek aur penalty corner mila aur is baar jongahyun ne apni team ko baraabari dila di. Bhaarat somvaar ko aaraam ke din ke baad 26 March ko Malaysia se bhidega.

Bhaarat Ne Antim Lamhon Mein Gol Ganvaaya, Korea Se 1-1 Se Dooa Khela https://www.angrejinews.com/pic/263218