Bhaarat Mein 40 Saal Mein Baaghon Ki Taadaad Paanch Guna Hui

Breaking »

Bhaarat Mein 40 Saal Mein Baaghon Ki Taadaad Paanch Guna Hui

Rishikesh. . Desh mein baaghon ko bachaane ke liye 40 saal se jaari muhim ka asar hota dikh raha hai. 1973 mein jahaan baaghon ki taadaad mahaj 268 rah gayi thi, vah ab paanch guna se bhi adhik ho gayi hai. Kaurbet baagh abhayaaranya ke director ranjan mishr ne ek aadhikaarik anumaan ka havaala dete hue kaha ki 1973 mein jab praujekt tiger ki shuruaat hui thi, us samay desh mein baaghon ki taadaad 268 thi. Unhonne kaha ki ab yah badhkar 1,468 ho gayi hai. Yah praujekt 1973 mein kaurbet ke dhikaala range mein shuroo ki gayi thi. Unhonne kaha ki agar tatkaaleen pradhaanamantri indira Gandhi ne 1973 mein desh ka pehla abhiyaan praujekt tiger naheen shuroo kiya hota to aaj sthiti badatar hoti. Mishr ne kaha ki baagh sanrakshan prayaason ke chaar dashak poora hone ke mauke par uttaraakhand ke mukhyamantri vijay bahuguna ek April ko dhikaala range mein panel paricharcha ki shurooaat kareinge. Unhonne kaha ki abhi desh mein baaghon ke 27 abhayaaranya hain jo 37,761 varg kilometer mein faile hue hain.

Bhaarat Mein 40 Saal Mein Baaghon Ki Taadaad Paanch Guna Hui https://www.angrejinews.com/pic/3690