Bhaarat Ko Hara Sakta Hai Australia David Vaarnar

Cricket »

Bhaarat Ko Hara Sakta Hai Australia  David Vaarnar

Nai Delhi: Australiaee salaami ballebaaj David vaarnar ka maanana hai ki haal ke parinaamon se bhaarateeya team dabaav mein hai aur unki team aagaami chaar test maichon ki series mein Mahendra Singh Dhoni ki aguvaai waali team ko hara sakti hai. Vaarnar ne kaha, nishchitataur par hamaare paas Bhaarat ko haraane ke liye paryaapt sansaadhan hain. Haal ke parinaamon se Dhoni par dabaav rahega. Hamaara tej geindabaaji vibhaag majaboot hai aur hamaare ballebaaj achhi form mein hain. Ab bhi chot se poori tarah naheen ubar paane vaale vaarnar ne kaha, yadi ham Bhaarat ko hara dete hain to yah ashes series se pehle bahut badi upalabdhi hogi. Haalaanki series ka faisala bhaarateeya spinron ke saamane hamaare pradarshan par nirbhar karta hai. Apne saathi khilaadiyon Shane Watson aur Ed Cowan ki tarah vaarnar ko bhi lagta hai ki Australiaee ballebaajon ko bhaarateeya spinron ke saamane aakraamak ravaiya apanaana hoga. Unhonne kaha, mainne Bhaarat mein England ki test series (TV par) dekhi thi. Hamein bhaarateeya spinron ko dabaav mein laana hoga. Hamein unki laya bigaadni hogi. Hamaari rananeeti unke khilaaf aakraamak ravaiya apnaane ki hai.

Bhaarat Ko Hara Sakta Hai Australia David Vaarnar https://www.angrejinews.com/pic/2261