Bhaarat Ki Najarein Australia Ke Khilaaf Jeet Ke Saath Aagaaj Par

Cricket »

Bhaarat Ki Najarein Australia Ke Khilaaf Jeet Ke Saath Aagaaj Par

Chennai: Pichhle satr ki niraasha ko bhulaakar bhaarateeya team nae khilaadiyon se saji Australia ke khilaaf shukravaar se shuroo ho rahe pehle test mein jeet ke saath aagaaj ke iraade se utaregi. Mahendra Singh Dhoni ki kaptaani waali bhaarateeya team ka lakshya apni sarjameen par ek baar fir khud ko saabit karna hoga. Pichhle saal England ne test shrunkhala mein 2-1 se haraakar Bhaarat ka maanamardan karne mein koi kasar naheen chhodi thi. Doosari or, Australia ki najarein England ke pradarshan ko doharaane par hogi. Bhaarat aur Australia ke beech cricket ke maidaan par pichhle kuchh saal mein kaafi romaanchak jang dekhne ko mili hai. Cricket premiyon ko is baar bhi aisi hi ummeed hogi. Sachin Tendulkar end company ka saamana Peter sidl, Michelle Stark aur James petinsan ki maujoodagi vaale tej aakraman se hoga. Vaheen fil Hughes, Matthew wed, Ed Cowan aur David vaarnar ko Ashwin, Harbhajan Singh aur pragyaan ojha ki spin tikdi ka saamana karna hoga. Australia ne apni antim ekaadash ki ghoshana 48 ghante pehle kar di. Team mein ekamaatr spinner ke roop mein Nathan Leon ko liya gaya hai. Australia ke tej aakraman ki aguvaai sidl kareinge. Moijes Henricks ko tej geindabaaji ke kaaran hi glen Maxwell par tarajeeh dekar team mein shaamil kiya gaya hai. Shane Watson khaalis ballebaaj ke roop mein hi kheleinge. Bhaarat ko antim ekaadash chunane se pehle kaafi maathaapachchi karni hogi. Sabse pehle Virendra Sehwag ka salaami jodeedaar chunana hoga. Filhaal daud mein murali vijay sabse aage hain, jinhonne Irani traafi mein shatak jamaaya tha. Delhi ke salaami ballebaaj shikhar dhavan ne bhi is satr mein achha pradarshan kiya hai. Cheteshvar pujaara, sachin Tendulkar aur viraat Kohli madhyakram mein teesare se paanchavein sthaan par utareinge. Tendulkar ki yah Australia ke khilaaf aakhiri test shrunkhala ho sakti hai, lihaaja vah ise yaadagaar banaana chaaheinge. Madhyakram mein team prabandhan Ravindra jadeja aur ajinkya rahaane mein se ek ko chunega. Harfanmaula hone ke kaaran jadeja ko tarajeeh mil sakti hai. Vaheen rahaane ke hone se ballebaaji ko gaharaai milegi. Yah bhi dekhna hoga ki Bhaarat Harbhajan, Ashwin aur ojha ke roop mein teen spinron ko utaarata hai ya ek ko baahar rakhata hai. England ke khilaaf Nagpur mein Bhaarat ne jadeja, Ashwin, peeyoosh Chawla aur ojha ke roop mein chaar spinner utaare the aur ek bhi naheen chal saka tha. Jadeja ke khelne par Dhoni ke saamane samasya Harbhajan aur Ashwin mein se ek ko baahar karne ki bhi hogi. Ojha ka khelna tay hai aur Dhoni ki pasand Ashwin honge, lekin Tamil Nadu ka yah of spinner pichhle chhah maheene se kharaab form mein hai. Doosari or Harbhajan ka record Australia ke khilaaf achha raha hai aur isi team ne use 'Tarabanetar' ki sanjnyaa di thi. Chepaak ki pitch dheemi hai, lekin aakhiri charan mein tej geindabaajon ko rivers swing mil sakti hai.

Bhaarat Ki Najarein Australia Ke Khilaaf Jeet Ke Saath Aagaaj Par https://www.angrejinews.com/pic/2445