Bhaarat Ki Jeet Mein Poonam Aur Kaamini Chamakeen

Cricket »

Bhaarat Ki Jeet Mein Poonam Aur Kaamini Chamakeen

pehla mahila twenty-20 match agencyan . Vadodara poonam Raut aur tirush kaamini ki salaami jodi ki pehle wicket ki 130 run ki bhaageedaari se Bhaarat ki mahila team ne Bangladesh ko pehle twenty-20 cricket match mein mangalvaar ko yahaan 49 run se haraakar teen maichon ki series mein 1-0 ki badhat haasil kar li. Series ka doosra ti-20 isi maidaan par guruvaar ko khela jaaega. Poonam (75) aur tirush kaamini (56) ki half century ki badaulat Bhaarat ne pehle batting ke liye bulaae jaane par nirdhaarit 20 over mein teen wicket par 143 run ka chunauteepoorn score khada kiya hai. Poonam ne 56 baul kheleen aur das chauke jade. Tirush ne 72 baul kheleen aur apni paari mein saat chauke jamaae. Poonam aur captain Harmanpreet (3) ko bhaarateeya paari ke aakhiri over mein Salma ne out kiya. Banaaglaadesh ki captain all-rounder Salma khaatoon ne Bhaarat ki paari mein girne vaale teenon wicket chatakaae. Javaab mein Bangladesh ki team nirdhaarit 20 over mein saat wicket par 94 run hi bana paai. Bangladesh ke liye Salma 49 run bana kar not-out raheen. Unako chhod Bangladesh ki koi bhi anya ballebaaj tik naheen paain. Salma ke alaava shahanaaj paraveen (13) hi dahaai ke ank mein pahunch paain. Bhaarat ki captain Harmanpreet Kaur ne saat baulars ka istemaal kiya, jinmein se chhah ne wicket chatakaae.

Bhaarat Ki Jeet Mein Poonam Aur Kaamini Chamakeen https://www.angrejinews.com/pic/4228