'Bhaarat Ke Ukasaave Ko Bardaasht Naheen Karega Cheen

World »

'Bhaarat Ke Ukasaave Ko Bardaasht Naheen Karega Cheen

vishesh pratinidhipeiching. . Bhaarat aur cheen ke beech achha dostaana maahaul banaae rakhane ki jimmedaari yahaan cheeni communist party ke ek mukhapatr global times ne Bhaarat sarkaar par daali hai. Dainik ne kaha hai ki apne ilaake par daava karna cheen ke liye kaafi aham hai. Saath hi Bhaarat ko chetaavani dete hue likha gaya hai ki cheen Bhaarat ke ukasaave ko bardaasht naheen karega. Global times ne kaha hai ki seema par unmaad paida karne ka khaamiyaaja nai Delhi bhugat rahi hai. Mukhapatr ne Laddakh mein hui cheeni sainya ghuspaith ka jikr kiye bina Bhaarat ko aagaah kiya hai ki tathaakathit ghuspaith ke baare mein Bhaarat sarkaar vakt rahate apni janta ko safaai day aur achha maahaul banaae rakhane ka daayitv le. Cheeni ghuspaith se nipatne ke liye bhaarateeya sainya vikalpon par cheen sarkaar ne koi seedhi tippani naheen ki hai, lekin apne mukhapatr global times ke jariye aagaah kiya hai ki seema par shaanti aur sthirta banaae rakhana Bhaarat ke liye bhi utana hi aham hai. Seema par shaanti keval Bhaarat ki vajah se hi naheen bani hui hai. Global times ne bhaarateeya media aur vipakshi dalon par ukasaave waali bhaasha ka istemaal karne ka aarop lagaaya hai. Akhbaar ne kaha hai ki bhaarateeya media ne hamesha hi donon deshon ki dosti mein adanga daala hai. Dainik ne salaah di hai ki bhaarateeya media aur vipaksh ko santulit rukh apanaana chaahiye aur Bhaarat sarkaar ko salaah di hai ki unhein antar sarkaari aadaan-pradaan se door rakhana chaahiye.

'Bhaarat Ke Ukasaave Ko Bardaasht Naheen Karega Cheen https://www.angrejinews.com/pic/7460