'Bhaarat Ke Saath Rishton Mein Saavadhaani Barte Pak

World »

'Bhaarat Ke Saath Rishton Mein Saavadhaani Barte Pak

PTI . Islamabad Bhaarat ke saath behtar rishte banaane ko lekar navaaj shareef ke positive kameints ke maddenajar Pak army cheef general Parvez kayaani ne unhein satarkata se aahista-aahista aage badhne ki salaah di hai. Ek media report ke mutaabik, PML (N) pramukh navaaj shareef se shanivaar ko Lahore mein unke bhaai shaahabaaj shareef ke ghar par hui mulaakaat ke dauraan kayaani ne aisa sujhaav diya. Haalaanki, is mulaakaat ke sambandh mein PML (N) aur sena ki or se koi aadhikaarik bayaan naheen aaya hai. 'The news' ne sootron ke havaale se bataaya ki kayaani chaahate hain ki desh ki nai sarkaar Bhaarat ke saath rishton ko sudhaarane mein behad satarkata ke saath aage badhe. Kayaani ke mutaabik, keval isi tareeke se kshetr mein sthaayi shaanti ki or badha ja sakta hai. Gaurtalab hai ki teesari baar desh ke PM banane ja rahe shareef ne chunaav se pehle Bhaarat ke saath sambandhon ko lekar kai positive bayaan diye the. Iske baad jaankaar maan rahe the ki ho sakta hai, ye bayaan sena ko naagavaar gujre hon. 'Jameeni hakeekat jaanein shareef' report ke mutaabik, mulaakaat mein kayaani ne sunishchit kiya ki shareef ''Pichhle ek dashak mein hue ghatnaakramon ke maddenajar Pak-Bhaarat rishton ki jameeni haalaat jaan lein. Kayaani ko lagta hai ki satta se door rahane ke kaaran shareef ko iska seedha anubhav naheen raha hai. Kayaani ki najar mein Pakistan aur Bhaarat ke beech pichhle kai saalon mein paida hue jiyo-paulitikl chunautiyon ko sulajhaane ke liye ek vyaapak rananeeti ki jaroorat hai. 'Sarkaar ke saath sena! ' report mein kaha gaya hai ki kayaani ne aam chunaav mein mili safalta par badhaai dene ke liye shareef se mulaakaat ki thi aur is dauraan sabhi raashtreeya suraksha muddon par anaupachaarik baatcheet hui. Unhonne shareef ko bataaya ki nae pradhaanamantri aur unke mantrimandal ko shapath grahan ke baad sabhi mahatvapoorn aantarik aur baahari raashtreeya suraksha chunautiyon par jaankaari di jaaegi. Kayaani ke havaale se kaha gaya, armed forces ''Poori tarah lokataantrik sarkaar ke saath hain. ''

'Bhaarat Ke Saath Rishton Mein Saavadhaani Barte Pak https://www.angrejinews.com/pic/9115