Bhaarat Ke Saamaajik Udyami Ko Mila Raashtramandal Puraskaar

Sports »

Bhaarat Ke Saamaajik Udyami Ko Mila Raashtramandal Puraskaar

London, 13 March (bhaasha) saamaajik kaarya karne vaale Tamil Nadu ke ek udyami ko Asiaee kshetr ke liye raashtramandal yuva puraskaar se Budhvaar ko sammaanit kiya gaya. Unhein praudyogiki aadhaarit khaadya bachaav sangathan chalaane ke liye yeh puraskaar diya gaya hai. 'No food vest' ke sansthaapak padmanaabhan gopaal ko London sthit raashtramandal sachivaalaya ke ek kaaryakram mein 3,000 pound keemat ke is puraskaar ke liye aae saikadon naamaankanon ke beech se chuna gaya. Bhukhamari ko khatm karne ke sanyukt raashtra ke satat vikaas lakshya (esadeeji) ko paane ki disha mein kaam karne ke liye unhein sammaanit kiya gaya. padmanaabhan ne atirikt bhojan ko praapt kar jarooratamandon ke beech baantane ke liye ek anokhi pranaali viksit kar is lakshya ko paane mein madad ki hai. samaaroh ke liye pehli baar Coimbatore se London gaye 26 varsheeya padmanaabhan ne kaha, “abhookh jaisa koi dard naheen hai. Yeh puraskaar mere liye evam logon tak bhojan pahunchaane ke mission mein madad karne vaale sainkadon svayanseviyon ke liye bahut ahamiyt rakhata hai. ” padmanaabhan ne atyaadhik bhojan praapt karne ke liye Tamil Nadu mein ek pranaali viksit ki. Is kaaryakram ke jariye swayamsevi evam sthaaneeya adhikaari samaarohon evam restraan mein bache khaane ko ikaththa karte hain aur un sthaanon par pahunchaate hain jahaan jarooratamand maujood hote hain. Aise sthaanon ki pehchaan company pehle se kar ke rakhati hai.

Bhaarat Ke Saamaajik Udyami Ko Mila Raashtramandal Puraskaar https://www.angrejinews.com/pic/261180