Bhaarat Ke Raksha Baajaar Se Germany Ko Kaafi Ummeedein

India »

Bhaarat Ke Raksha Baajaar Se Germany Ko Kaafi Ummeedein

Ranjit Kumar . Nai Delhi 15 arab dollar ke ladaakoo vimaan ka sauda kho dene ke baavajood Germany Bhaarat ke raksha baajaar mein apni maujoodagi banaae rakhane ki nai sambhaavnaaen talaash raha hai. Germany ke daure par gaye pradhaanamantri Manmohan Singh aur jarman chaansalar enjela markel ke beech is baare mein baatcheet hui hai. Donon ne tay kiya hai ki aane vaale vakt mein ve raksha sahayog ko aur badhaaenge. Raksha sootron ke mutaabik, Germany ne apne yoorofaaitar vimaan ka sauda to kho diya, lekin Bhaarat chhah panadubbiyon ke liye isse bhi bada raksha sauda karne vaala hai. Yah sauda 50 hajaar karod rupaye se bhi jyaada ka ho sakta hai. Iske maddenajar Germany ki or se Bhaarat ke saath raksha sahayog ko aur vistaar dene ka sankalp kaafi aham hai. Gaurtalab hai ki Germany ki chaar echadeedablyoo panadubbiyaan navy mein sevaarat hain. Germany ne in panadubbiyon ke Bhaarat mein nirmaan ka samjhauta bhi kiya tha, lekin jarman company ke pichhle saude mein dalaali ke aaropon mein fansane ki vajah se sauda aage naheen badh paaya. Ab choonki company ko Bhaarat ka ek haai court aaropon se mukt kar chuka hai, isliye Germany ki echadeedablyoo company apni aur adavaansd panadubbiyon ko Bhaarat ko bechne ki firaak mein hai. Germany ne peshakash ki hai ki in panadubbiyon ko Bhaarat mein hi aseinbal kiya jaaega. Bhaarat aur Germany ki taraf se jaari saajha bayaan mein iska jikr karte hue kaha gaya hai ki donon deshon ke beech raksha sahayog ka mukhya aadhaar saajha vikaas aur saajha utpaadan hoga aur Germany Bhaarat ko raksha takaneek bhi bataaega. Agale ek dashak mein Bhaarat ki yojana sau arab dollar se bhi jyaada ke hathiyaar aur isse judi pranaaliyaan khareedne ki hai. Germany bhi Bhaarat ke raksha baajaar se faayda uthaana chaahata hai. Isi iraade se usane yoorofaaitar bechne ki poori koshish ki thi. Sootron ke mutaabik, markel ne PM se baatcheet ke dauraan vaayusena ke liye 126 ladaakoo vimaanon ke saude ki charcha bhi chhedi. Vaayusena ne France ke rafel ko pehle aur yoorofaaitar ko doosare number par rakha tha. Rafel ke saath chal rahe maujooda vivaad ke beech Germany ne ummeed naheen chhodi hai. Haalaanki sootron ka kehna hai ki rafel ke saath vivaad jald door ho jaaega aur sauda isi ke saath hoga. Is iraade se agale saptaah hi rafel banaane waali company dasaalt ka ek uchchastareeya dal Bhaarat aa raha hai.

Bhaarat Ke Raksha Baajaar Se Germany Ko Kaafi Ummeedein https://www.angrejinews.com/pic/5425