Bhaarat Ke Nae Attorney General Honge Mukul Rohatagi

Breaking »

Bhaarat Ke Nae Attorney General Honge Mukul Rohatagi

File photo File photo Nai Delhi: kendra mein sarkaar badalne ke saath hi varishth vakeel mukul rohatagi ko Bhaarat ke nae attorney general ke roop mein niyukt kiya gaya hai. Supreme court ke jaanemaane vakeel rohatagi ne kaha ki sarkaar ke sheersh kaanoon adhikaari ke pad ki peshakash unhein ki gayi hai aur unhonne iske liye haami bhar di hai. Unhonne kaha, 'Mainne apni or se haami bhar di hai, lekin usaki aupachaarik ghoshana honi hai. ' rohatagi vartamaan attorney general jeei vaahanavati ka sthaan leinge. Vah desh ke 14vein attorney general baneinge. Unhonne kaha ki padabhaar sambhaalne ke baad unki pehli praathamikta 'Supreme court mein yaachikaaon ko vyavasthit karna' hogi. unhonne kaha, 'Main sunishchit karoonga ki uchch adaalatein bekaar ke mukadamon se bhari na rahein. ' unhonne kaha ki vah poori koshish kareinge ki sarkaar antar-mantraalayi yaachikaaon mein na ulajhi rahe. pichhli NDA sarkaar mein atirikt sauleeseetar general ke pad par rah chuke mukul rohatagi ka kehna hai, 'Main yeh sunishchit karoonga aur prayaas karoonga ki vibhinn sarkaari vibhaag aapas mein hi yaachikaaen daayar karne mein na ulajhein. ' Delhi High Court ke poorv nyaayaadheesh avadh bihaari rohatagi ke bete mukul rohatagi ne 2002 ke Gujarat dangon aur best bakery aur jaahira shekh kaand sahit farji muthabhed hatya kaand maamalon mein Supreme court mein Gujarat sarkaar ki pairavi ki hai. Behad jaanemaane corporate vakeel rohatagi ne Ambani bandhuon ke beech gas ko lekar hue vivaad mein Supreme court mein anil Ambani ke mukadame ki pairavi ki thi. Vaheen Kerala tat par 2012 mein do bhaarateeya machhuaaron ki hatya ke aaropi do itaalavi marine par Supreme court mein chal rahe mukadame mein rohatagi Italy ke dootaavaas ke vakeel hain. Inke alaava rohatagi 2ji ghotaala sunavaayi ke maamale mein kai bade corporate gharaanon ki or se pesh ho rahe hain.

Bhaarat Ke Nae Attorney General Honge Mukul Rohatagi https://www.angrejinews.com/pic/52020